Ukubuyisana lesiphambano sika Krestu: Isifundo setshumi

•  
  1. E-Getsemane
     1. Funda uMatewu 26:1-2. Ukubethelwa esiphambanweni kwakuyikufa ukubi kakhulu okwakusenziwa nguhulumnde. Ngabe waye uzabethelwa esiphambanweni, ubungafuna ukukwazi ngaphambilini? Kungani usithi yebo kumbe hatshi? (Ngiyakhumbula umama esithi “uyihlo efika uzakubetha” Ukucabanga ngokwakuza kwenzakala kakuzange kwenze lindaba ibe ngcono.)
     2. Funda kuMatewu 26:36-38. Khangelisisa amzwi akhulunywa nguJesu. Ubungacasisa njani ukucabanga kwakhe ngamazwi anamuhla? (Udanile njalo udangekile-ukhathazekile kakhulu-kuzekube ekufeni.)
        1. Usuke wadana kanganka- okokuthi wacabanga ukuthi ungafa?  
        2. Usuke wezwa ugcwele yikwesaba ngekusasa?
        3. Ubona engazathi kwakuyikwesaba ubuhlungu kumbe ukwesaba ukufa? (Kade ngizakwesaba ubuhlungu lokufa ngokwakho, kodwa kangiboni ukuthi yikho okutshiwo nguJesu lokhu. Khumbula ukuthi khathesi ukuthi izono zethu sezibekwa phezukwakhe (kwabase Galathiya 3:13; KwabaseKorinte besibili 5:21). Khumbula umthwalo wezono zezwe lonke phezu kukaNkulunkulu ongela sici.)
     3. Funda uMatewu 26:39. Waye fisani uJesu? (Ukuvika okwakuphambikwakhe. Wayethemba ukuba Unkulunkulu uBaba waye sense icebo lesibili ukuthi umthwalo wesono lokuhlukuluzwa okwakuphambikwakhe akubalekele.)
        1. Waye ngakuvikela na uJesu? (Yebo. Nanzelela ukuthi uJesu uthi “Inkomitsho le isuswe.” UJesu kwakungadingakali ukuba “ayinathi” linkomitsho. UJesu wayesenelisa ukba abuyele ezulwini. Wayesenelisa ukuba asuke lapha. Wayengathi “sengibabonile laba abantu eduze , ngiqinisile kabafanelanga ukusindiswa” )
        2. UJesu wathandazela ukuba sithandaze sisthini? (Ukuthi intando kaNkulunkulu yenzakale.)
  1.  
     1. Funda Matewu 26:40-41. Usuke wadlula ebunzimeni kwakhanya abangane kabanaki? Babenakekela ukuhlaliseka kwabo ukwedua indingeko zakho?
     2. Funda uMatewu 26:42. UJesu usadinga indlela yokuphunyuka na? Kusivezelani lokhu ngokuba ngumuntu kwakhe? (Sibona ukuba ngumuntu kwakhe, ukuthi ufisa kangakanani ukuphunyuka inkezo ephambikwakhe, kodwa intando kaNkulunkulu uyayamukela.)
     3. UJesu uyabuyela ku Petru, loJakobe loJohane, bayamdanisa uJesu ngokunjumeka. Ibuthu elihlomileyo liyeza engadini ukuzomubopha. Lithunganyelwa nguJudasi. Kungani esenzalokhu uJudasi? (Zimbili izizatho ezingabayizo: 1) UJudasi uthi uJesu akasi Krestu, kumbe 2) UJudasi ubina engazathi uJesu uding ukukhuthazwa ukuba aqale umbuso wakhe. UJesu ugombolezelwe ngabangani abakhanya benganaki abangamkholwayo, kumbe ababona behlakaniphile kulaye. Umfanekiso odanisayo kangakanani. )  
     4. Funda Matewu 26:50-53. Kungani uJesu engabizi izigidi zengilosi? (UJesu wamukela okwakusiza.)
        1. Kungani uJesu waqamba amaligiyoni angamatsumi lambili, kulokuba athi amaligiyoni angamakhulu? ()UJesu wayelabafundi abangamatshumi amabili lambili. Oyedwa wayekhuphe umese. UJesu uveza ukuthi ebesenelisa ukubiza ingelosi ezizinkulungwane eziyisithupha (iligiyoni elilodwa) kumfundi oyedwa. Wayelamandla uqobo-hatshi abalandeli abangelamandla.)
     5. Uma isitha sisiza eduze, uPetro, umfundi obelele, ukhupha inkemba (Johane 18:11 egcwalisa isithembiso sakhe ukuba uzakufa engakamphiki uJesu (Matewu 26:333-35). UPetro wethembakele na? Kasibahleki na abantu abathi “bazasithandazela,” kodwa bengasisizi? (Funda kwabasEfesu 6:12. UJesu wayephakathi kwempi yako moya enkulu phezu kwekusasa yomhlaba. UPetro wayecabanga ukuba impi ilwa labantu, hatshi amademoni. UPetro wehluleka ngenxa yokuba wayengalwi lapho okwakulempi khona-impi yemimoya.)
        1. Sazinjani isikhathi sokudonsa inkemba lesikhathi sokuthandaza?
     6. Funda uMatewu 26:54. Kwakuyintando yakhe na uNkulunkulu uBaba ukuba indodana ihlukukluzwe ibethelwe emthini? UJesu wayesenelisa na ukuthi, “UBaba wami osezulwini unguNkulunkulu olothando, kakungeke kubeyintando yakhe ukuthi nihlukuluzwe, ngitsho ukuthi ngibulawe!” (Ngemva kwezifundo zethu ezintathu ezidlulileyo lapho ebesikhangela ukuthi inkonzo zethabanekeleni zazifakaza njani ukuthi uJesu uzafela izono zethu, siyawubona “umfanekiso omkhulu na.” Uma izinto ezimbi zisenzakala kithi kuqakathekile ukwazi ukuthi uNkulunkulu ulomfanekiso omkhulu ekuhlelenikwakhe kudingakala simethembe.)
  2. Ukuyangiswa
     1. Funda Matewu 26:55-56. Wayenakelani uJesu ngokubotshwa kwakhe? (Lokhu yikuqala kokuyangiswa. Wayengumfundisi ohloniphekayo hatshi isela kumbe isigangi esicatshileyo.)
        1. Kwenzakalani esithembisweni(Matewu 26:35)  sokuthi bonke abafndi bazakufa bengakaphiki uJesu?
        2. Impumela yini? (UJesu uhamba yedwa empini enzima.)
     2. Funda uMatewu 26:63 and Matthew 27:37. Icala likaJesu ngelani? (Ukuba uyindodana kaNkulunkulu, UMsindisi, Indodana kaNkulunkulu)
     3. Funda uMatewu 26:64-65. Zibeke endaweni kaJesu. UmPristi omkhulu indoda ephakemeyo, ukubu=iza athi unamanga ukuthi unguMesaya. Ungaphendula uthini?
     4. Funda uMatewu 26:66-68. Isixuku siyiphatha njani indaba yokuthi uJesu nguNkulunkulu? (Bayamkhafulela ebusweni, bayamtshaya ngenqindi langempama ebusweni.)
        1. Isixuku sigcizelela mcabango bani umasisithi, “Sitshele, Krestu, ukuba utshaywe ngubani?” (Bahleka uJesu ngukutsho kwakhe ukuthi unguNkulunkulu.)
        2. Uma umelwe uhlonitshwe, umawenelisile ukwenza izinto ezithile empilweni, ubaphendula njani abantu bazama ukukwenza ukhnye umubi?
  1.  
     1. Funda uMatthew 27:27-29. Cabanga umi uze phambi kwalabo abkhlekayo. Injongo yegawuni, lomqele lentonga yini? (Lokhu kwenzelwa ukumyangisa uJesu ekukhulumeni kwakhe ukuba unguNkulunkulu.)
     2. Funda uMatewu 27:30-31. Uzwa njani uma utshaywa ekhanda? Cabanga ukutshaywa ekhanda lona ligcwele ameva?
     3. Cabanga ngokuthi kukuzwisa njani ngaphakathi lokhu. Abantu laba bakhuthzwa ngusthane ukuba benze lokhu. Usathane uyathandabuza ukuba uJesu ungubani? (Hatshi.)
        1. Yikho ke injongo ngeyani? (Khumbula mviki amabili edlulileyo (Isifundo sixoxe ngesilingo sikasathane sokuqala kuJesu? Sibone ukuthu okubalulekileyo yikuziphakamisa lokuthemba uNkulunkulu. Sikhumbulile njalo ukuthi lezi yizo izilingo ezahlangana loEva. Lesi yisilingo esikhulu ukwedlula zonke “uma uyiNdodana kaNkulunkulu.”)
        2. Kungaba yisilingo njani ukuba uJesu atshengise ukuba unguNkulunkulu? (UJesu wayezasebenzisa awkhe amandla obuNkulunkulu ukuthi atshengise iqiniso-yikho uyabe ehlulekili ukuthemba uNkulunkulu)
        3. Uzwa njani uma ulwisana lesono? Uzwa njani umasikwehlulile? Cbang ukuthwala umthwalo wezono zabantu bonke ngesikhathi esifanayo abantu bephike ukuba ungubani bekuhleka?
        4. Khohlwa ngezekhathi laphokwakufanele uyangiswe. Usuke waingeka ngale indlela? Uma wake wahlangana lakho wenzakuhle ngokuzivikela?
  1.  
     1. UJesu ubethelwa esiphambanweni ingaphansi yesiphambano ibe isiweselwa phansi kunganakwa lutho. Funda uMatewu 27:39-43. is nailed to the cross and the base of the cross is dropped roughly into a hole. Read Matthew 27:39-43. ” Uma ezakumfuna.” Ethwele umthwalo wezono zabantu, wayesazi na UJesu ukuba Ukulunkulu yamfuna? Isilingo sokungamethembi uNkulunkulu singaba sikhulu ukwedlula lapha? (Funda uMatewu 27 :46 Kuzwakala engazathi uNkulunkulu umtshiyile. Kodwa uJesu akasebenzisi amandla akhe. Lokhu kutshengisa ubuqotho beBhayibheli. Kusukisela ekuqaleni kuze kube semaphethelweni usathane uthi kasimelanga sethmbe uNkulunkulu. Ngabe umuntu wayeloba indaba yosizi, ngabe waloba kuphela ngobuhlungu uJesu abuzwayo.)
     2. FUnda uJohane 19:30. Kungabayini eyayisephelile? (Impi. UJesu weza  enguAdamu wesibili waphila impilo epheleleyo wafela izono zethu. Safa kanye naye (saphinda savuka naye) usathane lamadimoni ache babe sebenqontshiwe.)
     3. Mngane, uma ulingekile ukuba wone cabang ngenkambo enzima izono zethu ezenza uJesu wahlukulezeka. Cabanga ngokuthi usathane wamuyangisa njani uJesu  lokuthi iloba engela themba usathane uzafisa ukusebenzisa izono zakho ukukuyangisa kunqobe. Uzakhetha namhlanje ukuthathi isono lula?
  2. Iviki ezayo: Usizo lomlatshelo kaJesu wokubuyisana.

Copr. 2008, Bruce N. Cameron, J.D.  Yonke imibhalo ivela ku-New International Version (NIV), copr. 1973, 1978, 1984 i-International Bible Society,  ngaphandle umakuchaziwe. Imibhalo esuka ku-NIV isetshenziswe ngevumo ye- Zondervan Bible Publishers. Impendulo ezikhethiweyo zitholakala kuzigobholozi (). Uma usamukela lesi-Isifindo nge-email, kodwa sibesisilahleka ungasithola kule ikheli ye-web: . Thandazela ukuba uMoya Oyingcwele uvule ukuzwisisa kwakho ungakaqali ukufunda.

Isingeniso: Usuke wacabanga ngokwenza isono esikhulu? Uma kunjalo walinganisa okungenzakala uma ungabanjwa? Isijeziso singaba likhuni okungakanani? Iloba ungabanjwanga, kuzakwenza uzwenjani lokhu? Ngiyakhumbula omunye wabangani bami ekhuluma ngesono esikhulu esithi: “Ngingakwenza uNkulunkulu uzangixolela.” Umakufika esonweni okukhulu esikukhangelaayo yikuthi kuza kungiphathanjani mina? Kasingeneni esifundweni sizwisise ukuthi samenza uMsindisi othandekayo!

i. Kutsho na ukuthi izinto ezimbi zingenzakala? (Yebo.)

i. Kunjani uma abantu abasolayo beqinisile?