Isifundo sokuqala UTHANDO

 

 

 

Isifundo sokuqala Uthando

(Matewu 5 & 22, 1 Johane 2, Kwabase Roma 13)

    

Copr. 2009, Bruce N. Cameron, J.D.  Yonke imibhalo ivela ku-New International Version (NIV), copr. 1973, 1978, 1984 i-International Bible Society,  ngaphandle umakuchaziwe. Imibhalo esuka ku-NIV isetshenziswe ngevumo ye- Zondervan Bible Publishers. Impendulo ezikhethiweyo zitholakala kuzigobholozi (). Uma usamukela lesi-Isifindo nge-email, kodwa sibesisilahleka ungasithola kule ikheli ye-web: . Thandazela ukuba uMoya Oyingcwele uvule ukuzwisisa kwakho ungakaqali ukufunda.

 

Isigeniso: Sisanda ukuqeda izifundo zethu zesipho sokuporofetha. Ku 1 Kwabase Korinte 13:2 sitshelwa ukuthi uma silesipho sokuporofetha, kodwa singela thando, kasilutho! Kobaluleke kangakanani ukuqala izifundo zethu ngempilo yesiKrestu ngokufunda ngothando. Kasingeneni ebhayibhelini sibone ukuthi singasuka njani ekungabini lolutho siye ekubeni yilutho ethandweni!

 

I.      Ukulenga ngothando

 

A.      Funda kuMatewu 22:34-36. Ngabe wabuzwa lumbuzo ubungathini? Unungathi konke kubaluleke ngendlela efanayo?

 

1.      Ubona ngani abaFarisi bawu phendula njani ubuzo wabo?

B.      Funda uMatewu 22:37-40. UJesu wabanika imithetho emibili kumbe owodwa?

1.      Impendulo kaJesu ingafinyezwa kuthiwe “thanda wonke umuntu?” Kumbe kulomehluko phakathi kokuthanda ngenhliziyo yakho yonke, lomoya wakho lenqondo lokuthanda njengoba uzithanda?

2.      Kuyakumangalisa na lokhu njengemthetho olombuzo-ungamtshela njani omunye umuntu ukuthi athande?

3.      Cabanga ngemthetho elitshumi. Yehlukaniswe yaba yileyo yobudlelwano loNkulunkulu laleyo eyobudlelwano labantu. Yiyo indlela leyi na esigcina ngayo lumthetho olombuzo, ngokulalela limithetho ethi “Unga”?

a.      Umzekeliso, uma ngilenjongo yokuthanda umakhelwane wami olenwele eziningi, oginqileyo, unobuvila, ngiyazimisela ukuthi ngingabi nomona ngenja yakhe, ngomkakhe ledlu yakhe, angithi?

b.      Angaphindisela ngokungabi lomona ngenja, lomkami loba indlu yami, siwugcinile umthetho njalo siya “thandana”?

4.      Funda ku 1 Johane2:3-6. Lumbalo usitshelani ngokulalela lothando? (Uthi umasingalalela uthando lukaNkulunkulu lupheleliswe ngathi.)

5.      Funda ku Mako 7:21-22. Ima kacane, ngizwe ingathi sifunde ukuthi singagcina umthetho uthando luyalandela? Le ivesi ingathi zonke lezi izinto ziphuma emcabangweni wethu njani? Uthando luvela ngaphandle kumbe phakathi?

a.      Uma uphendula wathi “kusuka ngaphakathi kusya ngaphandle,” (ngicabangele ukuthi abanegi benu bazokusho njalo) ngizomthanda najni ke umakhelwane wami uno nwele eziningi, egiqgile, njalo elivila? Ukungathinti izinto zakhe bekusobala, ukumtshengisa uthando yinto ehlukileyo.

C.      Funda ku 1 Petro 1:22. Lumbhalo usitshela ukuthi sithandane “ngendlela ejulileyo ngenhliziyo.” Lokhu kumele kube nzima! (Kuthi “khathesi njengoba selizihlambululile ngokulalela iqiniso ukuze libe lothando oluqotho kubafowenu.”)

1.      Imisebenzi yami ingilungiselela njani ukuthi ngithande?

(Longumcabango omuhle njalo ojulileyo: ukumhlonipha uNkulunkulu kusenza simthande imakhelwane wethu onenwele eziningi, ogiqgileyo, njalo elivila!)

D.      Funda ku 1 Petro 1:23. Kungani lumugca ulandela umthetho wokuthanda ngokujulileyo? (Injongo yikuthi impilo entsha, ukuhmba endleleni zika Nkulunkulu kusinikeza amandle wokuthanda omakhelwane bethu.)

1.      Lokhu kutsho ukuthi uNkulunkulu usenze ukuze kube lokuguquka kumbono wethu. Kasikhangelini okulandelayo.

 

II.     UNkulunkulu luthando

A.      Funda kuGenesise 2:18-22. Ngokufunda la amavesi, ungathi uNkulunkulu wayemkhangele njani u-Adamu? (Unkulunkulu umdalela okupheleleyo. UNkulunkulu umemnza azibize izinyamazana. UNkulunkulu ukhathazekile ngesizungu sika Adamu.)

B.      Funda ku-Exodusi 20:8-11.Kusitshelani lokhu ngendlela uNkulunkulu asikhangela ngayo? (UNkulunkulu uyasinikeza isikhathi sokuphumula-lalabo abayizisebenzi lezivakatshi.)

C.      Funda kuJohane 3:16-18.  Ukutshengisa kukaNkulunkulu othando lwakhe yikuphi? (Wanikela ubulhosi Bakhe lempilo Yakhe ukusinika ithuba lokuba sibilenxenye ebukhosini lempilweni. Yena nguye owanikezwa icala kulokuthi asinike thina icala.)

D.      Uma ukhangela ukuthi uNkulunkulu ubenzeleni abantu, imisebenzi le yadala uthando lwakhe loba uthando lwakhe lwadala imisebenzi le?

1.      Thina ke? Imisebenzi kaNkulunkulu kithi iyadala uthando na kuNkulnkulu?

a.      Uma kunjalo singathi uma umakhelwane ezaqala ukungithanda lami ngizaqala ukumthanda?

E.      Funda ku Deteronomi 6:4-7.  Utshoni uNkulunkulu uma ethi imithetho Yakhe“ibe sezinhliziyweni zethu, kutshoni lokhu?” (Kasingeke simlalele uNkulunkulu ngaphandle simthande.)

1.      Kungani? Kungani singalaleli nje kuphela? (Kulalo umcabango oku-1 Petro 1:22 ukuthi ukulalela kuyasisiza ukuthanda. Kunjalo ukufundisa kukaJesu ku Mako 7:20 ukwenza kwethu kuveza ukucabanga kwethu. Uma sine nhliziyo yothando kuNkulunkulu, sizamlalela. Yikho uMthetho (Matewu 22:36-38) “ulenga” ethandweni lukaNkulunkulu.)

F.      Ngokweqiniso, uzizwa umthanda uNkulunkulu? Okweminyaka eminengi ngangilohlupho kule indawo. Ngangikwazi njengengane ukuthi ukuthanda kutshoni ngenxa yemuli yami, sengikhulile ngabakwanzi ngomkami labantwabami ukuthi kutshoni ukuthanda. Engangikuzwa loNkulunkulu kwakuyi seduze lokuhlonipha. Izinto zaqala ukuguquka senginanzelela ngangizi qambela amanga ngemvelo yami yesono. Singibonane ubusonobusi lobumina bwami, ngananzelela ukuthi uNkulunkulu wangithanda njani wangithethelela, lokhu kwanginika inhlinziyo elokubonga. Senginanzelela umusa kaNkulunkulu omkhulu ngempilo yami, lokhukwangiguqula. Inhliziyo yami yelitshe yaba ngeyokubonga lothando!

 

III.   Ukuthanda umakhelwane wethu?

A.      Funda kuMatewu 5:43-48. Khathesi uJesu kasazwisiseki, angithi? Kumele sedlule ukuthanda abanenwele ezinkulu, abaginqileyo labangamavila sithande labo abasigwazayo. Singamthanda njani umuntu osilimazayo?

1.      Khangela njalo uMatewu 5:45 ngoba kuyasitshengisa ukuthi uNkulunkulu ubathanda okungakanani ababi. Uma ukhangele lumzekeliso, uNkulunkulu ufuna sitshengise ukubathanda abayizithi zethu? (Okokuqala. Ibala lesiGiriki elisetshenziswa ethuthandani ezitha litsho uthando “bobungane” “ngokumthetho” hatshi okwezithandwa. Okwesibili, umzekeliso wothando kaNkulunkulu yikuphathaizitha zakhe njengabo bonke abantu.)

B.      Funda kwabaseRoma 12:17-21. Lokhu kuveza njani ukuthanda izitha zethu?

1.      Kutsho ukuthi kakumelanga sibisele okubi? (Uma uNkunkulu ethembisa ukubuyisela lokhu kubekelwe yena hatshi thina.)

a.      Kutshoni ukuthi ubuthelela amalahle avuthayo? Kakuzwakali njengo thando kimi!

C.      Iminyaka edlulileyo ngiqale ukufunda ngokwezinye inkolo ukuze ngnelisa ukucaza isiKrestu njengokholo olulodwa oluqotho. Lokhu kugoqele ukufunda imitsho kaDali Lama. Ngimagele ngifunda  “ngokuphathwa kwabanye” kuyafana lokuka Jesu okuku matewu 5. Wabuza uDali Lama wathi: Ulezitha zeqiniso ezingaki? Bangaki abantu abakugwazayo ngokweqiniso? Uma ungumuntu ojwayeklekileyo impendulo ithi “balutshwana.” Laba abalutshwane lithuba lokuba ubelobudlelwano lesimo esingcono. Bakhangele njengesibusiso.

D.      Funda ku 2 Kwabase Korinte 5:14-16.  UDali Lama, njenge nkolo zonke zamanga, ukhuthaza ivangeli lemisebenzi. Injongo yokuthanda izitha zakho yikuthi isimilo sakho sibe ngcono. Injongo yomKrestu ngokuthanda isitha sakhe ngesani? (Ukuthi uNkulunkulu wasithanda kuqala-Wasifela iloba siyizitha zakhe! Bona uKwabase Roma 5:10.)

E.      Mngane, ngabe kungasi Jesu ngabe ufile. Ngabe kawula themba, kawula kusasa. Abakho abakuthandayo besifa kawungeke ubelethemba lokubabona? (Uyazi ukuba ungumuntu omubi okungakanani (uma ungakwazi lokhu uziqambela amanga), njalo uyazi ukuthi uJesu wakuthethelela njani wasusa izono zakho. Phezu kwakho konke lokhu, ungabaleka njani ekumthandeni uNkulunkulu? Ungaba leqiniso njani kulabo abakugombolezeleyo? Uma ungaluzwa uthando kuNkulunkulu, ngiyakunxusa ukuthi uphenduke umxuse uNkulunkulu angene empilweni yakho.

IV.             Iviki ezayo: UKholo.

 

 

Isifundo Stshumi lantathu Isiqiniselo esiphweni sokuporofetha

(Mathewu 13, Luka 24, Izenzo 17, 1 KwbaseKorinte 14)

Copr. 2009, Bruce N. Cameron, J.D. Yonke imibhalo ivela ku-New International Version (NIV), copr. 1973, 1978, 1984 i-International Bible Society, ngaphandle umakuchaziwe. Imibhalo esuka ku-NIV isetshenziswe ngevumo ye- Zondervan Bible Publishers. Impendulo ezikhethiweyo zitholakala kuzigobholozi (). Uma usamukela lesi-Isifindo nge-email, kodwa sibesisilahleka ungasithola kule ikheli ye-web: http://www.GoBible.org. Thandazela ukuba uMoya Oyingcwele uvule ukuzwisisa kwakho ungakaqali ukufunda.

Isigeniso: Kule iviki bengikhuluma lensizwa yasebandleni elomporofethi ophilayo. Ngenxa yesiporofethi sika Joweli 2:28-29, kayisinto enginga phangisa ukuyiyala. Kodwa, engakubona kudinga ukuhlolisiswa yikuthi amazwi omporofethi lo anamandla njengawe Bhayibheli. Ukubona njani lokhu? Uma umporofethi ekhuluma okuka Nkulunkulu okuqotho, lokhu kungabe kuliqiniso. Kuyavumelana lokukhulunywa liBhayibheli? Kuyasebenza okweqiniso? Kasingeneni esifundweni sibone ukuthi singasethemba okungakanani isipho sokuporofetha!

I. Abaporofethi laba Hambi

A. Funda uMatewu 13:14. Numugca ovela kumporofethi na lowu? (Yebo. UJesu uthi lesi yisporofethi esigcwalisekileyo esivela ku-Isaya.)
B. Kasikhangeleni lesisiporofethi. Funda uMatewu 13:14-15. Sixwaya ngani lesisiporofethi? (Abantu kabalalelanga. Bayabona njalo bayezwa izindaba kudowa kabalalelisanga. Udaba kalujuli emcabangweni.)
C. Funda kuLuka 24:13-18. Cabanga ukuthi ukhuluma lomngane, ongamaziyo eze afike abuze elikhuluma ngakho. Ungaphendula uthini?
1. Kungani ababili besima ukuphendula lumbizo? Kungani ubuso bwabo “buphansi?” (Ubuso babo butshengisa ukudana kwabo. Balalele lumbuzo ngokuqaphela okukhulu. Bayama bengakaphenduli lumbuzo.)
D. Funda kuLuka 24:19-21. Bamcasisa njani uJesu? (Njengomporofethi olamandla.)
1. Ukubaluleka kwalokhu kungaba yini? (Kabathi ubenguMesaya, indodana kaNkulunkulu.)
2. Kungabayini okubalulekileyo “ngosuku lwesithathu”? (Funda uMatewu 17:22-23. UJesu wathi uzavuswa ngosukulweisthathu. Laba ababili bacabanga ukuthi konke sokulahlekile.)
E. Kasiyeni phambili ngodaba lwethu oluku Luka 24. Funda uLuka 24:22-24. Ungathini kulaba ababili?
1. Isiporofethi sika Isaya sokubona lokuzwa kodwa kungela kuzwisisa (Matewu 13:14) siyasebenza na kibo? (Yebo!)
F. Funda kuLuka 24:25-27. Kasikhangelisiseni lumomo. Laba obaba badangele bahlanganisekile. Bakhangele isiporofethi sika Jesu basiqathanisa labakwaziyo. UJesu ubasiza njani “ukubona lokuzwa?” (Ngokubavulela iBhayibheli.)
1. UJesu wenza umsebenzi womporofethi lapha na? (Yebo. Umsebenzi womporofethi yikuphathisa abantu bazwisise intando kaNkulunkulu.)
2. Usebenzisani uJesu ekucasisaeni kwakhe? (IBhayibheli.)
3. Sifunda sifundo bani esibalulekikleyo ngesiqiniselo sesipho sokuporofetha? (Ukuthi okutshiwo ngumporofethi kumele kuqathaniswe lokutshiwo liBhayibheli.)
4. Kungani uJesu engatshongo ukthi “Lina elilamakhanda aqinileyo, yimi!” (Injongo kaNkulunkulu yikuthi sizwisise imibhalo lokuthi uJesu ungena ngaphi. Lo yiwo umsebenzi womporofethi: ukuthi sizwisise ukuthi umomo wethu wakhathesi, ungenelana njani lokuhleleka kweBhayibheli.)
G. Funda ku 1 KwabaseKorinte 14:1-3. Ngezinsuku zethu umporofethi ulenxenye bani? (Njengalokhu uJesu wakhuthaza amadoda ayesengela themba, yikho ke umsebenzi womporofethi namhlanje yikukhuthaza, ukuqinisa lokududuza abakhlwayo.)

II. Umporofethi labase Bereya
A. Funda Izenzo 17:10-12. UPawulu ngumporofethi na? (Yebo)
1. AbaseBereya baba kwazi njani lokhu? (Ngokuhlola amazwi kaPawulu beqathanisa leBhayibheli)
2. Loba amadoda amabili ayehamba endleleni yase Emawusi babengakhangelanga eBhayibhelini lapho bekhuluma loJesu, kungabayini okwabanikeza isiqiniselo ukuthi uJesu ukhuluma iqiniso? (Funda uLuka 24:32. Inhliziyo zabo zatshisa ngaphakathi uJesu ecasisa imibhalo emayelana lakho konke kibo)
B. Funda ku 1 KwabaseKorinte 12:7-11. Injengo yokunika isipho sokuporofetha kokholwayo singaba yini? (Ukuze ubuhle bubonwe yibobonke.)
1. Kungani ku 1 KwbaseKorinte 12:11 kuqiniswa ukuthi lezizipho ziyimisebenzi “woMoya owodwa ofananayo?” (Ngoba kumele kube lokudlelana emsebenzini kaNkulunkulu. Yiso esinye isizatho kungani iBhayibheli lingumgoqo womuntu wonke othi ulesipho sokuporofetha.)
C. Funda kuZaga 2:1-6. Kucasisiwa lapha izigabaa zokuzwisisa intando kaNkulunkulu. Kasiku qoqeni lokhu ngokulandelana kwakho.
1. Funda njalo uZaga 2:1-2. Kucaza mqondo bani lokhu? (Ngomuntu ovulekileyo ulangathelela ukuzwisisa ilizwi lika Nkulunkulu.)
2. Funda njalo uZaga 2:3. Kucasisa kwenza bani lapha? (Ukuthandaza. Ubizo luyala kuNkulunkulu, uMoya Oyingcwele, ekuboneni lekuzwisiseni.)
3. Funda njalo uZaga 2:4-6. Kule mpumela bani? (Umasikhuthele ekudingeni intando kaNkulunkulu, uzasinikeza ukuhlakanipha, ulwazi lokuzwisisa.)
4. Ukulandelana lokhu kusifundisani esiqiniselweni samazwi womporofetha walamhlanje? ( Kakumelanga silande umporofethi ngendlela esilanda ngayo abeTshayina abakhuluma ngokuzakwenzakala kusasa: siyacacada siding impendulo. Ukuthi sivikeleke kumele sibelokuzwisisa okujulileyo ngeBhayibheli. Kumele sazi okunengi ngokuthi uNkulunkulu uthungamela njani abantu ezimpilweni zabo. Sibe sesikhangela ukuthi umporofethi walamhlanje “uyangenelana” lalokhu okuvele kwaporofethwa.)
D. Uphendula njani uma umporofethi walamhlanje enika ukuzwisisa okutsha ngaBhayiheli? Umporofethi wanamhlanje engabuya lokholo olutsha? (Sizatho bani uNkulunkulu onganika ngaso udaba angalunikanga uMosi labo Pawulu kumbe omunye umuntu emnyakeni ezinkulungwane ezintathu ezedlulileyo? Indaba engenelana lesikhathi sethu ngayayizwa kodwa entsha engelani lokwenza lesikhathi sethu, okwakungenzakala ukuthi iphiwe nguMosi, loba uPawulu kumbe omunye umlobi weBhayibheli. Umalindaba iphikisana leBhayibheli ngizayala.)

III. Abaporofethi bamanje
A. Kasibuyelenini ku-1 Kwabase Korinte 14. Funda u1-Kwabase Korinte 14:1-5 lo vesi 29. Sasejwayeleka kangakanani kwabase Korinte isipho sokuporofetha? (Kakhulu).
B. Funda ku 1 Kwabase Korinte 14:36-40. Kulomehlukano osobala phakathi kwaba porofethi “labale zipho” ebandleni laseKorinte?
1. UPawule uthi abaporofethi kumele bahlulelwe njani? (Uyacasisa uPawule ukuthi ilizwi likaNkulunkulu kaliqalanga ngabo. Akutshoyo yikuthi abaporofethi kumele bahlulelwe ngukwambulwe kuqala kuGenesise.)
C. Kusinika kukhanya bani ekuhloleni abaporofethi banamhlanje? (Okokuqala, kakumelanga kusimangalise ukuthi umKrestu uthi ulesipho sokuporofetha. Lesisipho njengezinye izipho kumele sikhangelelwe ebandleni njenge zinye izipho. Kwabase Korinte kwakukhona okungalunganga uma ibandla lalingatholakala lingalabo ababili abalesipho sokuporofetha. Okwesibili, lesispho kumele siqinise ibandla labakholwayo. Lesisipho kakumelanga siguqule okwambuliweyo nguNkulunkulu eminyakeni edluleyo.)
D. Mnagane, uyawamukela na amazwi omporofethi wamanje? Uyamukela na labo abalesipho sikaMoya? Kumele ubalalele njalo ubahlole. Uma umporofethi wamanje enika induduzo, indlela, namandla ebandleni, lamazwi omporofethi ehambelana lokubekwe kwaba ngumganga eBhayibhelini, wena ubusisekile.

IV. Iviki ezayo: Siqala isifundo esitsha “Impilo yoKrestu.”

Isifundo setshumi lambili Izibusiso zesipho sokuporofetha

 (Deteronomi 7, Eksodusi 19, Johane 14, Luka 13)

    

Copr. 2009, Bruce N. Cameron, J.D.  Yonke imibhalo ivela ku-New International Version (NIV), copr. 1973, 1978, 1984 i-International Bible Society,  ngaphandle umakuchaziwe. Imibhalo esuka ku-NIV isetshenziswe ngevumo ye- Zondervan Bible Publishers. Impendulo ezikhethiweyo zitholakala kuzigobholozi (). Uma usamukela lesi-Isifindo nge-email, kodwa sibesisilahleka ungasithola kule ikheli ye-web: . Thandazela ukuba uMoya Oyingcwele uvule ukuzwisisa kwakho ungakaqali ukufunda.

 

Isigeniso: Yibuphi ubuhle obukubaporofethi? Njengoba sifundile ukuthi abaporofethi basinikeza indaba ezisuka kuNkulunkulu, kukhanya impendulo isobala: senelisa ukuzwa intando kamlimu. Zibuza: “Uqinisile ukuthi ufisa ukuzwa intando kaNkulunkulu ngempilo yakho?” Ngicabanga ngendlela abanengi abalikhangela ngalo iBhayibheli, ngibona ngani impendulo ngu “hatshi” kwabanye abantu. Kasingeneni esifundweni seBhayibheli seviki leyi sibone ukuthi zibusiso bani kulabo abafisa ukwazi lokuzwisisa lokulandela intando kaNkulunkulu.

 

I.      Uthando lentando kaNkulunkulu

A.      Funda uDeteronomi 7:7-8. UNkulunkulu wabakhetha njani abantu bakhe? Kwakuyikuthi uyabazwela ngoba babe qgilibezelwe? (UNkulunkulu wabathanda njalo waye yenze isithembiso kubo khokho babo.)

1.      UNkulunkulu akathandi wonke umuntu na? Ungathi “yebo” uwucasisa njani lumbalo?

2.      Wayethembiseni uNkulumkulu kubo khokho babo? (Funda kuEksodusi 19:5-6. Ngabe bamamela uNkulunkulu babezaba ligugu lakhe eligcinakeleyo. Lesisithembiso siyabuyela sisiya kuGenesise 22 endabeni ka-Abrahama etshelwa ukuthi ayenikela u-Isaka.)

3.      Yikuphi okwaqala ukuza : Uthando lukaNkulunkulu loba ukulalela kwabo? (Funda  ku Eksodusi 19:3-5. Sibona ukuthi uNkulunkulu waqala wabakhulula abantu wasebatshela ke ukuthi bamlalele.)

B.      Funda kuDetoronomi 7:9-10. Khumbula ukuthi ngibuzile ngaphambilini ukuthi uNkulunkulu uthanda bonke abantu na? Ngabe kande ufunda lamazwi okokuqala, ungathi waye lobudlelwano bani uNkulunkulu labantu? (Uthanda labo abamthandayo bemlalela, labo abamzodayo uyabacithi.)

1.      Kungani umBhalo usithi lesi “yisivumelwano sothando?”  Loluthando luyinxenye yesivumelwano? Njengoba isivumelwano kuyikuvumelana.

2.      Kungabe kungayiskho kokuqala ukufunda la amazwi akuDeterenomi 7. Ubona ngani atsho okutshiyeneyo kulalokho akhanya ekutsho?

C.      Siphila ezikhathini ezitshiyeneyo, imithetho leyi isasebenza na? (Funda kuJohane 14:15, 14:21 laku-14:23-24. Yebo. Ujesu utsho into efananayo xathu.)

D.      Funda kuJohane 3:16 Kakutsho na lapha ukuthi uNkulunkulu uthanda ilizwe lonke? Kulokuphikisana na kulo umBhalo lalokhu  esikufunda kuDeteronomi 7 lo Johane 14? (Unkulunkulu uthanda wonke umuntu ngoba uJesu wafela bonke abantu lesipho sokusindiswa sivulekile kubo bonke abantu. Kunjalo uNkulunkulu ulobudlelwano obuphakameyo lalabo abamlalelayo. AmaKrestu kabamelanga bakhohlwe ukuthi basindiswa ngomusa kuphela, kodwa kabamelanga bekhohlwe ukuthi uNkulunkulu ukhangelele njalo uyavuza ukulalela.)

 

II.     Inxenye yomporofethi ekubusiseni

A.      Funda kuJohane 14:25-26. Ungena njani umporofethi kule indaba ekhulunywa ngayo lapha? (UMoya kaNkulunkulu usebenzelana labaporofethi beBhayibheli abaloba akutshoyo uNkulunkulu ukuze sithole okuhle. Sibonile kulesisifundo ukuthi abaporofethi bayasikhumbuza ngokufunwa nguNkulunkulu. Bayasikhombisa singasuka endleleni. UMoya Oyingcwele laye uzakhuluma lathi singaphuma endleleni.)

B.      Funda kuDeteronomi 7:11-15. Kumele sikhangelele sibusiso bani ekulaleleni abaporofethi baka Nkulunkulu? ( UNkulunkulu uyasitshela ukuthi siakuba lezimpilo ezingcono singamlalela)

C.      Funda kuLuka 13:1. Kwenzakalani kulaba bantu? (Babenikela etempelini eJerusalema uPilathi wabdabulala )

D.      Funda kuLuka 13:2-3. Laba abaseGalile bafa ngoba babengamlaleli uNkulunkulu? ( UJesu akatsho ukuthi babemlalela uNkulunkulu. Uthi okwenzakala kibo kakuvezi isonos sabo.)

E.      Funda ku Luka 13:4-5.Kwenzakalani kalaba bantu? (Umphotshongo wabawela. Baba hamba besedlula umduli wawa, wababulala.)

1.      Wabawela umduli ngoba bengabantu ababi? (UJesu akatsho ukuba babe senza kuhle, kodwa uhatsho ukuthi kababulawanga ngenxe ezono esithile.)

2.      Isiqokoqela sendaba kaJesu kulezi izindaba singabe siyini?)

3.      Ukhanya esithini uJesu ngokulalela langezibusiso?

F.      Funda kumaHeberu 11:35-39. Ngaphandle komugca wokuqala, abantu abakhulunywa ngabo lapha bayakholwa, abantu ababemlalela uNkulunkulu kuze kube sekufeni, kodwa okubi kwenzakala kibo. Imithetho ekuDeterenomi isilahlwe ngaphandle na?

1.      UJohane 14:23 umhlanganisa njani lezinto ezilotshwe kumaHeberu 11:37 ezenzakala ebantwini?

G.      Umcabango woku ukulalela kunika impumela yezibusiso lobunzima obwabusempilweni kaPayule kumbe uPetro kumbe abanye abaporofethi uNkulunkulu aloba ngabo iBhayibheli?

H.      Funda kumaHeberu 11:40. Kunini lapho labo abantu ( abahlukulezekileyo emhlabeni) abathula izibusiso zokulalela? (Ezulwini.)

I.      Ngemva kokukhuluma ngabaseGalile labantu ababulwa yikuwa komduli, Waqubeka phambili ngomfanekiso. Funda uLuka 13:5-9. Isihlahla somkhiwa sibusisiwe na?

1.      Umuntu okhangele isihlahla somkhiwa ufana na lomporofethi? (Kazange esikhangele kuphela njenge nxenye yomsebenzi wokukhangela isivini, kodwa wenza umsebenzi omuhle wokusithelezela okomnyaka.)

2.      Kwenzakalani emkhiweni uma singathelanga ngemva kokuba sesihlkulelwa? (Siyaqunywa.)

3.      Le indaba iqgiba njani umfanekiso kaJesu ngendaba zabase Glile labantu ababulawa ngumphotshongo owawayo? (Ungekela ukuphenduka, uzakufa-kungabe kungumzuzwana.)

J.      Kukhona okutholayo kule imBhalo okufundayo? (Sonke siyizoni. Sonke kumele siphenduke. Singabona ingozi embi esenzakala komunye, singeke sithi “uNkulunkulu umlimazile ngenxa yesono sakhe.”  Ngabe uNkulunkulu ubesemsebenzini wokubuyisela oubi, ngaye sisenkingani. Kulunye uhlangothi uNkulunkulu uyabusisa abadinga ukumalalela. Bayakhwabitha izibusiso zokulalela. Kwabanye lezi zibusiso zizabonakala ezulwini. Kwabanye abangalaleliyo uNkulunkulu, “bazaqunywa” njengomkhiwa, ekupheleni kwesikhathi (kumbi singakafiki lesisikhathi).)

 

III.   Indaba zaba porofethi Lempilakahle

A.      Funda kuLevitikasi 7:22-23. UNkulunkulu wayekhangelele zibusiso bani lapho enikeza uMosi loludaba? Qathanisa lo Deteronomi 7:15. (Kangiboni ukuthi laba bantu babesazi ukuthi ukudla ingulube yingozi kibo. Siyazi ngenxa yezesiyensi ukuthi amafutha kawalungelanga impilakahle. Siyabona ukuthi ekulaleleni umporofethi umuntu waye vikeleka ngokungadli amafutha.)

B.      Funda ku-Isaya 38:21 laku Levitikasi 15:1-7. Sibona kuxwayiswa bani kwalamhlanje lapha?

1.      Kungani lesi kuyisi qokoqela sendaba yokuporofetha? (Siyabona njalo ukuthi uNkulunkulu uyanika ukuxwayisa ngoporofethi ngempilakahle yabantu.)

C.      Indaba zikaNkulunkulu ngempilakahle zisifundisani ngokusebenzisa kwakhe abaporofethi ukusibusisa? (Lokhu kuyasitshela ukuthi izibusiso zempilo engcono ziyinxenye yezibusiso zesipho sokuporofetha.)

D.      Mnagane, uyafisa ukubusiseka? Udaba lukaNkulunkulu kuwe luthi phenduka, kholwa ulalele. Ungakwenza lokhu uzabusiswa. Kakutsho ukuthi kawusoze uwelwe ngokubi, kodwa kuyatsho ukuthi uzaphila impilo engcono lapha emhlabeni ubelesibusiso sempilo enaphakade..

 

IV.     Iviki ezayo: Isiqiniselo esiphweni sokuporofetha

Isisfundo setshumi Izindaba zabaporofethi

(Genesise 22, Zenzo 4, KwabaseGalathiya 3, AmaHeberu 4)

Copr. 2008, Bruce N. Cameron, J.D. Yonke imibhalo ivela ku-New International Version (NIV), copr. 1973, 1978, 1984 i-International Bible Society, ngaphandle umakuchaziwe. Imibhalo esuka ku-NIV isetshenziswe ngevumo ye- Zondervan Bible Publishers. Impendulo ezikhethiweyo zitholakala kuzigobholozi (). Uma usamukela lesi-Isifindo nge-email, kodwa sibesisilahleka ungasithola kule ikheli ye-web: http://www.GoBible.org. Thandazela ukuba uMoya Oyingcwele uvule ukuzwisisa kwakho ungakaqali ukufunda.

Isingeniso: Uma kukhona umuntu ongathi ngifundisa ngodaba oluvela kumkami, kummel ngiqale ngicabange. Umkami unginikeza indaba ezinengi ezitshiyeneyo. Kukhona na injongo endabeni ezisuka kumkakho kumbe umngane wakho oseduzekakhulu? Ngizithokozisayo loba ezihlukuluzayo? Kukhona indlela yokugoqa konke akutshoyo ngaba porofethi? Kasingenenini esifundweni sizwe ukuthi sithini!

I. UAbrahama umporofethi
A. Funda ku Genesise 22:1-2. Ngitshele zonke izizatho kungani, ngabe wawungu Abrahama, wa ungasoze ukholwe ukuthi lolu ludaba oluvela kuNkulunkulu?
1. NguNkulunkulu onjani ongakhumbuza u-Abrahama ukuthi uyayithanda indodana yakhe kuyinxenye yodaba lokuthi abulale atshise indodana yakhe?
2. Funda kuLevitikasi 20:1-3. UNkulunkulu unikeza izindaba eziphambeneyo?
B. Funda kuGenesise 22:9-12. Siyabona ukuthi uNkulunkulu wayenga jonganga ukuthi u-Abrahama abulale indodana yakhe. Ubona ngani injongo kaNkkulunkulu yaye iyini? Wayelodaba na? (Lokhu kwakuyikuhlolwa kokwethembakala.)
1. Udaba ngoloku zikhukuhumeza? UNkulunkulu ukhuluma “ngokugodla” indodana. (UNkulunkulu ukhuluma ngokuthi kwakuyi kuhlola ukuzikhukhumez.)
2. Kungatshengisa na ukuthi abazala abanikela abantwababo kuMoleki babengazikhukhumezi? (Funda amaHeberu 11:17-19. Abazali benikela abantwababo kuMoleki babekhangelele izibusiso. Kwakuyi kwenza kuzikhukhumeza. Ngabe u-Abrahama wanikela umntanakhe izibusiso ayezi thenjisiwe wayengasoze azibone. UAbrahama wakukholwa ukuthi uNkulunkulu uzakumvusa umntanakhe kwabafileyo. Lokhu kuyasitshengisa ukuthi uAbrahama wayengakhangelelanga isibusiso ngokunikela u-Isaka. Waye thembakala nje.)
C. Funda kuGenesise 22:15-18. Umthembisani uNkulunkulu uAbrahama? (U-Abrahama wayengekho kulokhu edinga isibusiso, kodwa uNkulunkulu wethembisa izibusiso lezizunkulwane ezinengi ezibusisiweyo. UNkulunkulu uyathembisa njalo ukuthi ngezizukulwane zakhe u-Abrahma izizwe zonke zizaku busiswa.)
1. Kungani u-Abrahama ethembiswa okunengi kangaka? (“Ngoba ungilalelile”)
D. Lesi yisikhathi sokucabanga: UNkulunkulu unikeza daba bani ngegelosi lango-Abrahama? (Ukuthi udinga ukulalela lokulandela.)
1. Udaba lolu lujulile ukwedlula lokhu? UNkulunkulu engakhetha kanjani udaba olube kangaka njalo luphambene? Kungani kusetshenziswa indlela engaqondakaliyo kangaka?
II. Indodana lethabanekeli
A. Funda Izenzo 3:24-26. Livesi ihlanganisa inkamba ka-Abrahma lani? (Ukuza kuka Jesu emhlabeni.)
B. Funda kwabase Galatiya 3:6-9. Inkamba ka-Abrahama ihlanganisa laluphi udaba lokukholwa?
C. Udaba loka Abrahama lokunikelwa kukaIsaka kukhanya kungelaqondo ungakukhangela masinyane. Kukhanya ingathi ludaba lukaMoleki lokunikelwa kwabantwana kwabakholwa izitixo. Kasikhangeliseni ukuthi indaba ka Abrahama ihambelana njani lodaba uNkulunkulu asinikeza lona:
1. Okokuqala: Indodana engelacala. Kungenelana njani lodaba lukaNkulunkulu? (UJesu uyindodana kaNkulunkulu engelacala. Qathanisa uLuka 1:46-55.)
2. Okwesibili:indodana ethandekayo. Kungenelana njani lodaba luka Nkulunkulu? (UNkulunkulu utshengisa uthando lwakhe olumangalisayo lokuthembakala kwakhe kithi ngoba waye misele ukuyinikela indodana yakhe-Waye zimisele ukuZinikela.)
3. Okwesithathu: ialtare lomnikelo. Kudlelana njani lodaba lukaNkulunkulu? ( UNklunkulu usisusile isono sethu ngesipho seNdodana yakhe. Qathanisa lo Luka1:67-77.)
4. Okwesine: UNkulunkulu uyangenela ngomunye umnikelo endaweni yendodana ethandekayo uIsaka. Kudlelana njani lodaba lukaNkulunkulu lokhu? (Ukulunga ngokukholwa. UNkulunkulu wafa endaweni yethu-esikwamukela ngokukholwa. UNkulunkulu wafa ukusiza abathandekayo bethu ekufeni inaphakade!)
III. Ukuphumula
A. Funda kuGenesise 2:1-2. UNkulunkulu usinika daba bani lapha? (Ukuthi ungumdali njalo ukuphumula kweSabatha kuyinxenye yendalo yakhe.)
B. Funda kuEksodusi 20:8-11. Udaba lukaNkulunkulu lapha yiluphi? (Lokukwenza kube sobala okuku Genesise: UNkulunkulu ufuna sithokozele indalo yakhe ngokuphumla kweSabatha ngeviki ngeviki.)
C. Funda ku Duteronomi 5:12-15. Udaba lukaNkulunkulu lapha yiluphi? (Lokhu ngokunye ukukhangela ukuphumula. UNkulunkulu ufuna sithokozele ukusida kwethu ebubini ngeSabatha iviki ngeviki.)
D. Funda uma Heberu 3: 18-4:2. UNkulunkulu ukhuluma ngokuphumula okunjani? (Ukuphumula okuvela evangelini-leyindaba ka-Abrahama lo Isaka njengesiporofethi sika Jesu sokufa enxenyeni yethu.)
E. Funda kumaHeberu 4:3-6. Lesiyiskhathi sokucabanga njalo. Ivangeli lokuphumula kweSabatha kulani okufananayo? (Yizigaba zokuqoba. Uma sifunda imbali yofileyo elotshwa ngabakibo, kukhulunywa “ngokuphakemeyo” (ukunqoba) ezigabeni zokuphila komuntu. UNkulunkulu wasidala njalo wenza iSabatha ukuze kubeyisikhumbuzo sokunqoba lokhu kwamandla ache. UNkulunkulu wabakhipha abantu bakhe ebuqgilini baseGibide. Wabakhumbuza abantu ukuthi ukuphumula kweSabatha kuveza amandla ache okudala lamandla ache phezu kweGibide (Ububi). Umugca “Umsebenzi Wakhe wapheleliswa kusukusela ekuqaleni komhlaba” kusitshela ukuthi icebo lika Nkulunkulu lalikhona ekuqaleni. ISabatha liyisikhumbuzo salokhu. )
F. Funda kumaHeberu 4:7-11. Sithola Sabatha bani lapha, kulani lokwenza lalokhu esisanda kukuthinta? (UJesu weza wavukela empilweni enaphakade enxenyeni yethu. Njenga lokhu uNkulunkulu wasidala, njengalokhu wahluthula abantu bakhe ebuqgilini base Gibide, kanjalo namanje esesihluthulile ekufeni inaphakade sisebuqgilini besono. Sithokozela lokhu iviki ngeviki ngokungena ekuphumuleni kweSabatha.)
G. Funda kumaHeberu 4:14-16. Lokhu kusiphendukisa esigombolozeni sebe kuAbrahama lo-Isaka. U-Abrahama loIsaka bahlangan lokulingeka bani uJesu ahlangana lakho? (Ukuzinikela ubumineni. Athatha indlela elula. Abalekele ubuhlungu bokuba ngumhlatshelo.)
1. Udaba luka Nkulunkulu kithi “njengompristi omkhulu,” Ngendaba ka-Abrahama lokuthokozela ukuqoba kukaNkulunkulu?(Ukuthi kusukela ekuqaleni ubekile konke okudingakalayo ukuze sisinde.)
2. Uyabona manje ukuthi ukunikela kuka-Abrahama u-Isaka kakusinto nje engajwayelekanga, kodwa ukufinyezwa kwendaba kaNkulunkulu ebantwini?

IV. Ukuqoba kukucina
A. Funda ku-Isaya 25:6-8. Umporofethi u-Isaya usinikeza ndaba bani thina? (Idili lokunqoba sifika ezulwini! Abadla imibida kuyamele babeke i-oda masinyane.)
B. Funda ku 1 Kwabase Khorinte 15:50-57. Sibina kunqoba bani lapha? (Ukufa kuginyiwe ngokunqoba kuka Jesu isono. U-Isaya uyasitshela ukuthi ukufa kwegwinyiwe Kwabase Khorinte loludaba luya khulunywa ngalo ukuze luqiniswe.)
1. Kulabo abadla okuluhlaza abangaphathekanga ngomugca wami odlulileyo, kababuze abadla igazi ukuthiinyama isuka ngaphi sokungasela kufa?
C. Mngane, uyabona udaba olupheleleyo oluvela kuNkulunkulu ngaba porofethi? Ngiyalubona. Ngumdali wethu, uyasisindisa kokubi, isono lokufa. Usinikeza iSabatha ukuze khathesi sithokozele indalo yakhe, uhlelo losindiso lokunqoba isono. LeliSabatha likhangelele iSabatha elizayo emazulwini emhlabeni omutsha. Uzakwamukela na okutshiwo ngumporofethi lamhlanje? Uzangena na eSabatheni lokuphumula lika Nkulunkulu?
V. Iviki ezayo: Ukucasisa imibhalo yabaporofethi