Isifundo sesihlanu: Isambulo

 

(KwabaseRoma 1, AmaHeberu 1 & 4, Johane 16)

    

Copr. 2009, Bruce N. Cameron, J.D.  Yonke imibhalo ivela ku-New International Version (NIV), copr. 1973, 1978, 1984 i-International Bible Society,  ngaphandle umakuchaziwe. Imibhalo esuka ku-NIV isetshenziswe ngevumo ye- Zondervan Bible Publishers. Impendulo ezikhethiweyo zitholakala kuzigobholozi (). Uma usamukela lesi-Isifindo nge-email, kodwa sibesisilahleka ungasithola kule ikheli ye-web: . Thandazela ukuba uMoya Oyingcwele uvule ukuzwisisa kwakho ungakaqali ukufunda.

 

Isigeniso: Kukhanya kuliqiniso na ukuthi umhlaba uyisimanga esingaka wazivelela, ngisho lawe, kumbe kwenzakala ngengozi? Kungenzakala ukuthi izilwanyana zilungise imota kulokuthi umhlaba waba ngumazivelela? Imibuzo elonqondo yile: SiloNkulunkulu onjani? Kasingeneni esifundweni sethu seBhayibheli sizwe ukuthi sambulani ngale imibuzo!

 

 

1. Izinye izinto zisobala!

 

1. Funda kwabaseRoma 1:18-19. Lapho umbhalo uqala “ngolaka luka Nkulunkulu” ngiyavika! Ngeqiniso uNkulunkulu udaniswe yini lapha? (UNkulunkulu uzondile ngalabo abafihla iqiniso lakhe. UPawule engabe esitsho enye yezinto ezimbili: 1) Ababi bayamyala uNkulunkulu ngenxa yezenzo zabo ezimbi ukuze bafihle iqiniso ngoNkulunkulu; kumbe 2) Labo abala ubukhona buka Nkulunkulu benza njalo ngoba bebabi.)
2. Funda Kwabase Roma 1:20. Kungani ababi belahlekile kangaka ngoNkulunkulu? (Ubukhona buka Nkulunkulu busobala ngalokhu akudalileyo.)
3. Uyavumelana lakho na ukuthi idalo iveza uNkulunkulu? (ISabatha ephelileyo ngiboni ifilimu ngale indaba. Okhulumayo ngu Louis Giglio ifilimu ithiwa “Mkhulu okungakanani uNkunkulu wethu.” Ungayithola inxenye yale ifilimu kule ikhele yebulenjini::
4. Nanzelela ukuthi uPawule uthi “ukuze abantu bengabi lezaba.” Izaba zani? Ukukholwa kuNkulunkulu, kumbe ukukholwa ukuthi uNkulunkulu ulodaba oluthile kithi? ( Ukukhuluma kukaPawule ngo “ngemvelo yobuNkulunkulu” kusho kuthi imvelo iyakhuluma ngobuntu.)
5. Funa Kwabase Roma 1:21-23. Iqiniso lobuntu esingalifunda emvelweni yiliphi? (Ukuthi njengoba kuluNkulunkulu umdali kumele simdumisa simbonge ngendalo yakhe. Kusuka kulokhu kusho ukuthi kakumelanga sikhonze into ebunjiweyo, kodwa kumele sikhonze umdali ngokwakhe.)
6. Kasiyeni phambili sibone ukuthi ukucasisa njani lokhu uPawule. Funda Kwabase Roma: 1:26-27. UPawule ushoni ngobudlelwano “bwemvelo?” (Kushoni ukuthi imvelo yokudalwa kwethu.)
7. Imvelo isifundisa njani ukuthi ubudlelwano phakathi kwabantu abangomama bodwa labobaba bodwa kabulungangang? (Ingalalelile kucelwa imali yokuthi amabhere alapho okubanda khona kakhulu (kumaPhowulizi) Inye yezinto ebengiyibona ifanele yikuthi ashelwe amabere ukuthi angenzi lokhu okwenziwa ngabantu. Ababe dinga imali bebengelakho lokhu emabangweni wabo. Kodwa ngithemba uyazwisisa ukuthi uPawule uthini ekhuluma “ngobudlelwano bwemvelo.”)

 

1. Umkhulumeli!
2. Funda AmaHeberu 1:1. Lumbalo uthi uNkulunkulu ukhuluma lathi njani? (Ngabaporofethi.)
3. Nanzelela kuguquka lapha. UPawule usishela ukuthi sikhangele okusingombolezelo sithole indaba esuka kuNkulunkulu. AmaHeberu asishela  ukuthi uNkulunkulu wakhuluma ngabaporofethi. Indaba yendalo isegcekeni. Isizatho “esisegcekeni”  esiveza ukuthi abaporofethi babekhulumela uNkulunkulu?(Kulezinto ezimbili. Eyokuqala uma indalo Uiveza uMdali, kakukho sobala ukuthi uMdali uzafuna ukukhuluma lathi? Okwesibili, indaba zabaporofethi ziyahambelana. Uma abaqamba amanga bakhetha ukukwenza lokhu okweminyaka ethile, besithi bakhulumela uNkulunkulu uzakhangelela ukuthi kubelezindaba ezinengi njengenani lalabo bantu. Undaba ulufanayo luveza ukuthi luvela endaweni efanayo.)
4. Kungani kumele sikholwe ukuthi uJesu nguNkulunkulu? (Okokuqala uJesu wathi unguNkulunkulu (Matewu 26:63-64; KuJohane 12:44-46). Okwesibili, Uvuko lwakhe kwabafileyo kalufani lento eyodwa emadleni oluntu. Lokhu kusobala ukuthi “ngokukaNkulunkulu.”)
5. Sathola daba bani olusuka kuNkulunkulu ngoJesu? (UJesu uthi uma ungazimina uyazi nobaba wami. Johane 8:19. Singahlolisisa impilo kaJesu, siyazwisisa imvelo kaNkulunkulu.)

 

1. Khangela lokhu!
2. Funda amaHeberu 4:12-13. Bangaki phakathi kwenu abangathi amaBhayibhili asemakhaya abo “ayaphila njalo ayasebenza” kumbe “agcwele uthuli?”
3. Nanzelela ukukhuluma lapha “kwahlulela imcabango lemibono yenhiliziyo.” Udabalwethu yikuthi uNkulunkulu uyazambula na kithi. IBhayibheli lidlala nxenye bani kulesisambulo? (Sonke siledlela esibona ngayo ukuthi abanye kumele bephathwe ngayo njalo siphile labo. IBhayibheli liyayihlola limcabango lemibono ngezimiso zika Nkulunkulu.)
4. Usuke wathi, “Ngifisa ukuthi uNkulunkulu aveze intando yakhe kimi? ” phezu kwalokhu ohangelele ukukwenza ngasonaleso isikhathi? 
5. Uma impedulo ingu “Yebo,” usuke wakhangela ukuthi uNkulunkulu uthini ngale indaba eBhayibhelini? Uma kungenjalo ubufisa ukwazi intando kaNkulunkulu ngokweqiniso?
6. Livelaphi iBhayibheli? (kuNkulunkulu.)
7. IBhayibheli lingaba lenxenye bani ekuvezeni intando kaNkulunkulu empilweni zethu? (Umagca othi “ukufundisa, ukukhuza, ukuqondoisa lokuqeqeshisa” kukhanya kugoqela inxenye zonke zempilo.“)
   1. Lalela!
   2. Funda kuJohane 16:7-9. Ngubani “umkhuthazi?” (NguMoya Oyingcwele.)
   3. URichard Dawkins (umuntu ongakholwa kuNkulunkulu)okhathazwe yizono zakhe? (Khangela uvesi 9 uthi uMoya Oyingcwele uyakhulumisana labathi kakula Nkulunkulu ukuthi balesono!(Kumbe labo abangakholwa kuJesu.))
   4. Funda ku Johane 16:10-11. Usuke wazisola ngezono zakho ? Usuke wazibuza ukuthi kumele wenzeni ngezono lezi?
   5. Ungaphendula uthi “yebo,”  komunye wemibuzo leyi kuyakuvezela na ukuthi uNkulunkulu uyaphila? Lokuthi uyakhulumisana labantu?
   6. Lolu ngolunye uhlupho oluhlangana labakholwa ukuthi indalo yazivelela. Kungani kungavela unembeza? Kungani “linyama” eqondisa imcabango yomzimba, ibe lemcabango ephezu kokuphila nja kuphela?
   7. Unembeza wethu uvelangaphi? Uma engzange azivelele kusho ukuthi kukhona amandla aphezu komuntu na?
   8. Funda ku 1 Timothi 4:1-4. Singaba lonembeza ongabumbekanga kahle na? Unembeza osishela ukuthi singenzi kanye okumele sikwenze?
   9. Ungehlukanisa njani imicabango yakho lokukhuluma kuka Moya Oyingcwele kuwe?
   10. Ungehlukanisa kanjani phakahi “kwemoya ekhohlisayo lezinto ezifundiswa ngamadimoni” lo Moya Oyingcwele ekhuluma lawe?
   11. Funda kuMatewu 12:31-32. Ukuthuka uMoya Oyingcwele yikwenzani? Kulokwenza na lokuhlanganisa okushelwa nguMoya Oyingcwele lokucabanga kwakho kumbe lokukuhlanganisa lezilingo zamadimoni? (Ukuthi sizwisisise lapha kumele sikhangele lapho okusuka khona loludaba.)
   12. Funda kuMatewu 12:22-24. Wayekhuluma ngani uJesu eze ekhuluma ngokuphikisana loMoya Oyingcwele? (UJesu uxwayisa labo abathi umsebenzi kaMoya oYingcwele ngokasathani.)
   13. Kungani lokhu kuyisono esingeke sixolelwe? Kungani ukukhuluma izinto ngenye inxenye yobuThathu buka Nkulunkulu kunzima kulokukhuluma kubi ngenye inxeneye yobuThathu?
   14. Funda ku 1 Samuyeli 3:12-14. UNkulunkulu unika udaba ngoSamuyeli kumprista u-Eli ngabantwana baka Eli, abapristi. Ngumzekeliso na lo wesono esingena kuxolelwa lesi? Uma kunjalo kunezono ezingela kuxolelwa ezingaki? (Kangiboni ukuthi sikhona isono esingaxolelwayo. Khumbula ukuthi abantwana baka Eli babephethe umsebenzi wokuxolelwa kwezoni etempelini. Babepethe izintambo zokuxolelwa kwezono. Njengoba basebawonile lumsebenzi babengeke bexolelwe. Umcabango ofanayo ukhona “ekuthukeni” uMoya Oyingcwele. Kuyinxenye ebalulekileyo ekuxolelweni kwesono-kuyamvezela umoni ububi besono sakhe. Yikho singamala uMoya Oyingcwele sesiphambanisile umsebenzi lenqubo yokuxolela.)
   15. Funda ku Tito 1:15-16. Ungaphambanisa unembeza wakho, usungena na endaweni lapho isono sakho singeke sixolelwe ngoba uphambinise inqubo?
   16. Sesibonile ukuthi singaphambanisa umsebenzi kaMoya Oyingcwele, kasibuyelenini endabeni yethu esingayiqedanga yokuthi singehlukanisa kanjani phakathi kuka Moya Oyingcwele ekhuluma lonembeza wethu lezinye izinto esizizwayo? (FUnda kuJohane 16:15. UMoya Oyingcwele uthatha izindaba zakhe kuNkulunkulu. Yikho ke udaba lukaMoya Oyingcwele luzakuba lufanana lezinye ezisuka kuNkulunkulu-kusuka eBhayibhelini, labaporofethi beqinisa lemvelo.)
   17. Uphaphame okungakanani kokuzwa kuvela kuMoya Oyingcwele? Uyezwa kakuhle na? Kumbe okushiwo nguMoya Oyingcwele kakusazwakali?
   18. Mngane, siloNkulunkulu ofisa ukukhulumisana lathi. Uzaludinga na udabalwakhe uqondise impilo yakho lalokho akushoyo? Uzakulalela umdinga uMoya Oyingcwele ulandele ukuthungamela kwakhe?

 

1. Ivike Ezayo: Isono