Isifundo sesishiyagalo mbili Ukuphumula

 

(Eksodusi 20, Matewu 5, KwabaseKolose 2, AmaHeberu 4)

Copr. 2008, Bruce N. Cameron, J.D. Yonke imibhalo ivela ku-New International Version (NIV), copr. 1973, 1978, 1984 i-International Bible Society, ngaphandle umakuchaziwe. Imibhalo esuka ku-NIV isetshenziswe ngevumo ye- Zondervan Bible Publishers. Impendulo ezikhethiweyo zitholakala kuzigobholozi (). Uma usamukela lesi-Isifindo nge-email, kodwa sibesisilahleka ungasithola kule ikheli ye-web: http://www.GoBible.org. Thandazela ukuba uMoya Oyingcwele uvule ukuzwisisa kwakho ungakaqali ukufunda. Isigeniso: Uma kukhona okumele kwenziwe ngifuna ukukwenza khathesi. Uma uphathekile njengami ukuphumula ukhululekile kubalulekile. Yikho ngilithanda kangaka iSabatha. Ngiyazi ukuthi kakumelanga ngibe ngisebenza ngalo yikho ngingaphumula ngingazisoli. Ngezisuku ngisa funda umthetho kwakuhle. Abangane bami babefunda insuku zonke ukuze bapase kakhulu. NgeSabatha ngangingafundi umthetho njalo ngabusiswa ngenxa yalokho. Kasingeneni esifundweni sizwisise ukuthi kungani ukuphumula kwe Sababtha kuyinxenye yohlelo luka Nkulunkulu ngathi!

I. Injongo yeSabatha

A. Funda kuEksodusi 20:8-11. UNkulunkulu inika sizatho bani ngokugcina iSabatha? (Njengesikhumbuzo sokuthi unguMdali.)

B. Funda kuGenesise 2:2-3. UNkulunkulu eqala ukudala iSabatha injongo yakhe yaye iyini? (Isizatho esifananayo lesika Eksodusi-ngoba wayesedalile umhlaba.)

C. Zama ukuzibeke endweni kaNkulunkulu. Sijwayele ukukhuluma ngokuthi, njengabantu kumele silandele uNkulunkulu. UNkulunkulu yena ukuthatha njani lokhu? Ngabe wawu nguNkulunkulu wabuzwa ukuthi kungani abantu kumele bakukhonnze, wawuzaphendula uthini? (Ngoba ngabadala.)

1. Yikho na okushiwo nguNkulunkulu na lokhu (Funda uGenesise 1:1 Lo yiwo umugca wokuqala kaNkulunkulu kithi-ukuthi unguMdali)

2. Funda kuSambulo 14:6-7. Sikhangele isizatho sokuthi kungani UNkulunkulu kumele akhonzwe encwadini yokuqala iBhayibhelini. Encwadini yokucina yeBhayibheli unika sizatho bani uNkulunkulu? (Isizatho sokumkhonza yikuthi unguMdali. Leli kuthiwa “livangeli elinaphakade.”)

3. INaves inika amavesi angu-104 athi “UMdali” lapho uNkulunkulu, loba ngabantu aqinisa amandla ache egxile endalweni Yakhe.)

D. Isikhathi sokuhlela.Ngabe ubungu sathane ulwisana loNkulunkulu, phezu kwamandla okubusa abantu, injongo yakho ingaba yini? (Ukululaza loba ukususa lokugxele khona amandla kaNkulunkulu.)

1. Siyakubona lokhu kusenzakala: imbali lesikhumbuzo sikaNkulunkulu samandla akhe siyaphele ngokuhamda kwesikhathi?

2.Kumele lendaba na lokhu kumaKrestu? (UMartin Luther wathi: “Uma ngingakhuluma kakhulu …yonke inxenye yelizwi likaNkulunkulu ngaphandle kwalapho umhlaa losathane abalwisana lakho, kangikhulumi ngoKrestu…. Lapho impi eshisa khona, lapho kuvezwa ukwethembakala kwebutho.”)

a. Abanengi bathi iSabatha kalisela ndaba. Uma uMartin Luther eqinisile, iSabatha kalikho na phakathi laphakathi kwempi phakathi kuka Jesu loSathane?

b. Uma iphakathi laphakathi, “siyamvuma uKrestu” uma sisehluleka ukuthi sithathi ukuma okuqinileyo kokobonakaliswa kwamandla kaNkulunkulu ngeviki ngeviki kuluntu?

II. ISabatha, lilokhe liyinxenye yohlelo lukaNkulunkulu?

A. Iviki ephelileyo sikhulume “ngomusa,” sathola ukuthi (KwabaseRoma 8:2) “umthetho woMoya wokuphila wangikhulula emthethweni weono lokufa.” Kusho na lokhu ukuthi imithetho elishumi (kugoqelq iSabatha) lifile?

B. Funda kuMatewu 5:17-19. UJesu uthi injongo yakhe yokuza emhlabeni yini? (Hashi ukuchitha imithetho elishumi! Kodwa, weza ukuthi “ayigcwalise.” Kakumelanga ngifundise abanye ukuyichitha imithetho elishumi.)

1. Kushoni lokhu-ukugcwalisa? (Sifundile iviki ephelileyo ukthi uJesu wanqoba lapho uAdamu ehluleka khona-ekugcineni umthetho kaNkulunkulu. Kodwa sifundile ukuthi le kasivumo (KwabaseRoma 6:1) yokuna lokuthi sikhuthazwa ukuphila impilo “esendleleni kaMoya.” KwabseRoma 8:5. Lokhu kuyahambelana lokushiwo nguJesu ukuthi kakumelanga sifundise abanye ukwephula imithetho elishumi.)

 C. Funda kwabaseKolose 2:16-17. Sesibonile ukuthi iSabatha liphakathi laphakathi kwempilosathane ngoba liveza amandla kaNkulunkulu phezu kwendalo. UPawule uthi iSabatha kalilandaba lapha na? UPawule angaba “ngowokucina” embusweni wezulu? (UPawule ukhanya ekhuluma okuloshwe ku Hosaya 2:11. Lapha, wayekhuluma ngamadili amaJuda ayebizwa kuthiwe ngama “Sabatha” kuKolose 2:16 yikho kuthiwa amaSabatha. AmaBhaybheli amanengi atha “amaSabatha” ngaphandle kweNIV.)

1. UPawule uthini uma esithi amaSabatha “yisithunzi sokuzayo?” (Njengoba uJesu wagcwalisa inkonzo zeTestamente elidala, kuyalandela ke ukuthi amadili amaJuda “amaSabatha” ayeyinxenye yokuhlashelwa kwemhlashelo, agcwaliswa.Lokhu bekungeke kube liqiniso ngeSabatha leviki okuyisikhumbuzo sendalo, hashi inxenye yenkonzo zasetempelini.)

2. Abakhuluma bexoxa ngokuloshwe eBhaybhelini bayavumelana lami, ikakhulu abakudala ukuthi KwabaseKolose 2 kakukhulunywa ngeSabatha yeviki. Khangela ukuthi iBarnes Notes ithini (kuyafana lamanye). Uqale asho ukuthi ibala eliseshenzisiweyo libalisa okunengi yikgho kukhulunywa ngamadili amaHeberu abesesiyaphambili: “Kayikho inxenye yomthetho- ngisho owodwa wemithetho elishumi wawungakhulunywa ngawo nje ‘ngesithunzi sokumele kuze.’ Limithetho isuka imithethweni okumelwe iladelwe inaphakade ngumuntu wonke.”)

D. Funda kumaHeberu 4:8-11. Abanye sebeqale ukuthi lokhe kwabalovuka sesingene iminyakeni “yeSabatha”. Insuku zonke zingamaSabatha. Lokhu kusho ukuthini ekucineni? (Kawusoze ukhonze yiloba ngaluphi usuku kumbe uzakhonza ngensuku zonke.)

 1. AmaHeberu athini ngesikhathi esifanayo sokuhlangana kukhonzwa uNkulunkulu? (Funda amaHeberu 10:25. Ithi kumele sihlakangane singadinwa.)

2. Uma ubuthokozela ukuphila “eminyakeni yesabatha,” wasucabanga ukuthi kumele kuhlanganwe ukuze kudunyiswe uMdali, lingakhetha luphi usuku? “Funda njanlo kumaHeberu 4:9-10. Umasizangena ekuphumuleni kuka Nkulunkulu, njengalokhu akwenzayo, sizakhonza ngeSabatha! Yikho kodwa ukugqiba ukulenqondo.”)

E. Abanye bathi, bekhuluma okungaveli eBhayibhelini, ukuthi uJesu wavuka ngeSonto waguqula konke okweSabatha. Abalandeli bakaJesu balesizathona ukukholwa ukuthi lokhu kuqotho?

1. UJesu wabethelwa ngosuku luphi? (Funda kuMako 15:42-44. Ngolwesihlanu.)

2. Funda uMatewu 27:50-52. Kungani uJesu engavuka khuonalapho, wabonakala kubantu bonke ephakanyiselwa kuNkulunkulu ngamandla langodumo olokhulu?

a. Uma wena njengomzala ukhangele umtanakho ehlukuluzwa ubungeke ufune ukuza umsize?

b. Uma wena njengomzali ubona umntanakho enqoba kwenye into ethile emhlabeni ubungama umzuzu ukuthi uze uzomanga umenzela amahlophe?

c. Kungani uJesu wama? Phezu kokujabula kone kungani yena loBaba bama? (UJesu waphumula ngeSabatha ngesizatho esifananayo aphumula ngaso kudalwa umhlaba.Wayekhumbula umsebenzi wokudala lalo owokucina khathesi ekukhululeni indalo yakhe ekubhubheni.)

III. Ukugcina iSabatha

A. Sikhangele imbali, ungaligcina njani iSabatha? (Yisikhathi sokukhohlwa ngakho konke okomhlaba sijabulele uMdali wethu loMsindisi wethu! Lusoku oluhle lokukhonza lokudumisa.)

 B. Funda kuMako 2:23-28. UJesu usho na ukuthi ngoba uDavida wadla isinkwa saetempelini wephula umthetho labafundi bengephumla ukuphumula kweSabatha? (Hashi. UJesu uthi iSabatha lezwela ubuhle ebantwini. Ukubusiswa kwabantu, hashi ukweqa umthetho lokuwuyeyisa, yikho ukugcina iSabatha.)

C. Mngane, uma ngaphi empini yamandla kaNkulunkulu ezimpilweni zethu? Wethembakele njanlo ulibuthu elingela kunyikinyezwa endabeni eziphikiswana ngazo? Uma kungenjanlo ulahlekelwa ngenye yezibusiso zikaNkulunkulu eluntwini! Kungani ungakhethi ukuthi kubuya eSabatheni uzakwethembakala ubusiswe?

. Iviki elizayo: IZulu.