Isifundo sesikhombisa Imisebenzi yabaporofethi (1 Samuel 9, 2 Kings 17, Isaiah 30, Romans 3)

 

Copr. 2008, Bruce N. Cameron, J.D. Yonke imibhalo ivela ku-New International Version (NIV), copr. 1973, 1978, 1984 i-International Bible Society, ngaphandle umakuchaziwe. Imibhalo esuka ku-NIV isetshenziswe ngevumo ye- Zondervan Bible Publishers. Impendulo ezikhethiweyo zitholakala kuzigobholozi (). Uma usamukela lesi-Isifindo nge-email, kodwa sibesisilahleka ungasithola kule ikheli ye-web: http://www.GoBible.org. Thandazela ukuba uMoya Oyingcwele uvule ukuzwisisa kwakho ungakaqali ukufunda.

Isingeniso: Wenzini sibili umporofethi? Umsebenzi wakhe ngowokukhuluma ngokuzakwenzakala kusasa? Yikufundisa ngokokholo? Kungaba yikudinga amadonki? Yikusenza sizibone sibabi? Yikuba yisithunywa sikaNkulunkulu kuzo zonke izinto?Kasingeneni embhalweni sizwisise!

I. Abadingi bamadonki

A. Funda ku 1 Samuyeli 9:3-5. Kusitshelani lokhu ngesimilo sika Sayule? (Wayemnakekela uyise, wayekhuthele njalo ethembakele.)

 B. Funda ku 1 Samuyeli 9:6. Uyadlala lo osebezayo? Abaporofethi bayadinga amadonki? UNkulunkulu engathatha isikhathi ukunika udaba lokuthola amadonki kumporofethi?

C. Funda ku 1 Samuyeli 9:14-16. Sithola msebenzi bani womporofethi kula amavesi? (UNkulunkulu uvezela uSamuyeli ukuza kwenzakal ngaphambilini, wenza uSamuyeli inceku yakhe ukukhetha lokugcoba umthungameli, njengempendulo emithandazweni yesizwe.)

D. Funda ku 1 Samuyeli 9:18-20. Sithola umporofethi esenza msebenzi bani? (Ukudinga amadonki! Nanzelela ukuthi uSamuyeli wayesazi imbhali, hatshi kuphela ingaphambilini. UNkulunkulu wambula imbhali lengaphambilini ukuze uSamuyeli enelise ukuxwaya uSayule.)

E. Lapho ucabanga lindaba, ungawucaza njani umsebenzi womporofethi? (Umporofethi yinceku kaNkulunkulu emhlabeni ukwenza izinto uNkulunkulu azitshoyo. Lokhu kugoqela izinto ezilula njengokudinga okulahlekileyo, kusiya ezintwini eziphakemeyo njengo kuphathisa ubuthungameli.)

1. Umporofethi wakulezi insuku kumele abelenxenye kwezombangazwe? a. Impendulo yakho kumele yame ngaphi? 2. Yikuzithandisisa ukuthandaza kuNkulunkulu ngezinto ezincane, abanye bethandazela ukwelatshwa invukuzane? a. Singathi thina “UNkulunkulu unamandla angelamkhawulo ekuphenduleni imithandazo, lapho ngicela izinto ezincane kangithathi ukunakekela kwakhe laba abalenvukuzane?” Sithini ngomporofethi uSamuyeli? Wayelesikhathi esingenamkhawulo? (Usayule wayephakathi kwentokozo yokuthandwa nguNkulunkulu njalo wayelesi fiso sokusiza uSayule ngokwakumkhathaza enhliziyweni yakhe ngaleso sikhathi.)

II. Ukuqondisa lokukhumbuza

A. Funda ku 2 Amakhosi 17:13. Iviki ephelileyo sikhangele ngo kutshiwo nguJeremiya ngabaporofethi abakhuluma okufunwa ngabantu lalabo abakhuluma esingafuni ukukuzwa. Bakhona na abaporofethi abakhuluma esifuna ukukuzwa lapha?

1. Abaporofethi bayengezelela na kulokho uNkulunkulu akukhulumileyo? (Hatshi lapha. UNkulunkulu usebenzisa abaporofethi ukukhumbuza abantu imithetho Yakhe, lokukhomba abantu ukuthi baphambuke njani emthethweni wakhe.)

B. Funda ku 2 Amakhosi 17:18-20. Abantu kabazange bebalalele abaporofethi. Kwenzakalani ngenxayalokho? (Abanye abantu babahlasela.)

1. UNkulunkulu ubazondele abantu Bakhe? Umfanekiso wethu woNkulunkulu wethu wothando luka Nkulunkulu uyangaphi?

2. Funda ku 2 Amakhosi 17:17. Abantu laba kungani benikela abantwana babo? (Babasithi kungabasiza lethixo zabo. Lokhu kufana lokukhipha isisu. Ukwenza impilo yami ibelula ngiza nikela umntanami.)

3. Kangela njalo ku 2 Amakhosi 17:18. Uthola kuzwisisa bani kumugca othi “besusiwe ebukhoneni bakhe?” (UNkulunkulu ungcwele. Uma abantu Bakhe bengamhlamukela bebelenxenye ezonweni ezimbi kakhulu, Wayengasabafuni “ebukhoneni Bakhe.” Bengekho ebukhoneneni buka Nkulunkulu izinto ezimbi zenzakala kibo. )

 a. Yinto “yeTestamente elidala leyi?”

C. Funda ku Isaya 30:10-11. Babuzani abantu umabesithi “yikani ukusilanda ngoNgcwele kaIsirayeli?” (UNkulunkulu ungcwele. Kabafuni ukubonana busono buso noNkulunkulu Ongcwele.)

1. Kutsho na ukuthi “ukungabi sebukhoneneni bakhe” kayisinto yeTestamente elidala kuphela kodwa kujwayelelkile-izoni zifuna ukuba phandle kobukhona bukaNkulunkulu?

D. UJesu engafuna ukuba phandle kokubakhona kwezoni? Ngibona engathi weyezilada izoni! E. Funda uMatewu 9:10-12. Imithetho yeTestamente elidala isiphoselwe ngaphandle ngefastela? UJesu lezoni bafuna ukuba dawonye na?

1. Lesi singabe siyisimo esedlulayo? (Funda uLuka 4:24-27. Uma abantu besenza okubi, kabamfuni uNkulunkulu. UJesu uthi abapoorfethi kabamukelwa edolobheni lakibo, yikho umporofethi kumele aye kwesinye isigodlo. UJesu weza ezonini. Izoni zeza kuye. Kodwa kwesinye isgaba kwkumele benze isiqumo sokukhetha uJesu kumbe isono. Okusobala yikuthi, uIsrayeli wamphika uJesu levangeli lakhe laya kwabanye.)

2. Funda uMatewu 8:11-12. UJesu uzabaxotsha abantu ebukhoneni bakhe na? (Yebo. Labo abala unxuso lwakhe.)

 F. Siya sukana kundikimba yendaba yethu? Ukwala kwesoni ukuqondiswa kulana lokwenza lomsebenzi womporofethi? (Kuyikusikhuthaza ukuthi singamali umporofethi ngoba udaba lwakhe lusenza singahlaliseki.) G. Kasiqubekeleni phambili sifunda ku-Isaya. Funda uIsaya 30:12-14. Unika daba bani umporofethi lapha? Isono simthola njani lo ongaphendukanga? (Uhlupho lwesono luyakhula luba lukhulu kakhulu, lucine ludilikela isoni. Isoni kasingeke sisetshenziswe ngemva kwalokhu ngitsho ezintweni ezincani. )

1. Uyamazi na umuntu onjalo?

2. Kwenzakele na kuwe lokhu?

H. Funda uIsaya 30:15, 18. Injongo kaNkulunkulu ngthi ingabe iyini? Abaporofethi (abanjengo Isaya) balenxenye bani kule injongo? (Umsebenzi womporofethi yikuthi axwayise aqondise. Injongo yikuthi abelomusa. Kasilawo umfanekiso kaNkulunkulu weTestamente elidala kumbe oweTestamente elitsha. UNkulunkulu uyalangathelela ukuba lomusa kithi, yikho ethumela abaporofethi bakhe ukuze baze basixwayise ngesono lengozi yaso. Phezu kwalokho unguNkulunkulu ongcwele okutsho ukuthi isono kasingeke siphile ebukhoneni bakhe.)

1. Kungaba yini okukukhathazayo ngabaporofethi? Ulwisana lokuthi umporofethi walamhlanje ngoweqiniso iloba ngowamanga? Zibuze ukuthi lokhukulwisana kuvela ukuzaziseni? Zibuze ukuthi lokhu kulwisana kusuka emuzweni wokuzizwa uzisola uma usizwa amazwi alo umporofethi?

 I. Funda kubase Roma 3:19-20. Umsebenzi womporofethi oqotho yikukwenza uzizwe kamnandi kumbe uzisole? (Khumbula ukuthi sithe “isimo esihle” sokukhuluma kuka Nkulunkulu lathi yimithetho elitshumi. La amavesi asitshele ukuthi injongo yomthetho “yikuthulisa” ubumina. Ukusivezela lapho esone khona lokusithungamela kuJesu. ULeyi yinxenye ebalukileyo kakhulu yomporofethi.)

 J. Funda kwbaseRoma 3:21. Sithola wuphi omunye umsebenzi? (Umsebenzi womporofethi yikufakaza udaba lukaNkulunkulu lomusa. Ukusixwaya kwabo kusikhokhela ekuphendukeni, lokhu kuletha indaba ezinhle ezomusa.)

III. Ukugcina imbhali Record Keeping

A. Funda kuziKoronike 29:29-30. Sithola owuphi omunye umsebenzi wabaporofethi? (Ukuloba igwalo zembhali. Omunye umsebenzi womporofethi yikuloba ukusebenza kukaNkulunkulu ngembhali ukuze abantu babone kuhle bezwisise umsebenzi kaNkulunkulu. Lokhu kuyasiza ukunika ukukholwa lesiqiniselo ngesandla sika Nkulunkulu empilweni zabo.)

 IV. Ukuveza imfihlakalo

A. Funda uDanyeli 2:45-47. Sibona msebenzi bani womporofethi lapha?

1. Kungani uNkulunkulu enikeza lumsebenzi kumporofethi? (Kusinika ukuqina lesiqiniselo ngoNkulunkulu lenxenye yethu ekububheni ikusasa. Izinto eziporofethiweyo lapho zinsezakala, sibalesiqiniselo kukNkulunkulu wethu lokusinakekela kwakhe.)

 B. Mngane, uvulekile ekwamukeleni umsebenzi womporofethi? Uyakukholwa na ukuthi kuyindlela uNkulunkulu asebenza ngayo ukukhulumisana labantu?

V. Iviki ezayo : Amandla abaporofethi.