Isifundo setshumi lanye Izihloko ezibalulekileyo ku 1 Johane

 (1 Johane 1-5) Copr. 2008, Bruce N. Cameron, J.D. Yonke imibhalo ivela ku-New International Version (NIV), copr. 1973, 1978, 1984 i-International Bible Society, ngaphandle umakuchaziwe. Imibhalo esuka ku-NIV isetshenziswe ngevumo ye- Zondervan Bible Publishers. Impendulo ezikhethiweyo zitholakala kuzigobholozi (). Uma usamukela lesi-Isifindo nge-email, kodwa sibesisilahleka ungasithola kule ikheli ye-web: http://www.GoBible.org. Thandazela ukuba uMoya Oyingcwele uvule ukuzwisisa kwakho ungakaqali ukufunda.

Isigeniso: Ngiyathanda ukufunda incwadi ezikhuluma ngeqondo. Kakho owaziyo ukuthi abantu bacabanga njani loba ukuthi abakuzwayo bakucubungulusisa njani masinya kangaka. Kuthatha isikhathi esingakanani ukubona ubuso obwomuntu omaziyo? Kukuthatha isikhathi esingakanani ukuthi utsho ukuthi umntu uleminyaka emingaki? Ukufananisa ubuso lokutsho iminyaka yomuntu yinto enzima kangaka kukhomputha. Esikwaziyo ngenqondo zethu yikuthi ukuphinda ulutho oluthile kuyaqinisa iqondo zethu ekulwenzeni. Usuke wafunda incwadi elesahluko sokukhangelalisisa ekucineni kwayo? Yikho esikwenzayo lamhlanje. Siza kwenza esikwaziyo ukuthi kuyazisebenzela inqondo zethu: okuqinisa ukuzwisisa kwethu incwadi kaJohane. Kasingeneni ekukhangelisiseni u 1 Johane sibone ukuthi kungenelana njani lokhu!

I. Indlela ezimbile

A. Funda ku 1 Johane:5-7. Silokukhethabani okubili empilweni? (Singahamba ekukhanyeni loba ebumnyameni))

1. Singethemba abantu ukuthi bastshele ukuthi bahamba kuyiphi indlela? (Hatshi. Ku 1 Johane 1:6 kuvezwa ukuthi abanye abanqiniso ngayo.)

2. Singaba kwazi njani ukuthi sithatha yiphi indlela? (Siyazi ukuthi sisendleleni yokukhanya uma singaphila ngeqiniso. Silobudlelwan labanye endleleni yokukhanya. Siyaphambili kule indlela.)

3. Kungaba yini esndleleni yokukhanya esivikela esonweni endleleni yokukhanya? Yikukhetha, ukuhamba, iqiniso loba ini? (“Ingazi lika Jesu liyasihlambulula kuzo zonke izono.”)

4. Uma igazi lika Jesu lisihlanza ezonweni, kungani ngimele ngihambe endleleni yokukhanya? Ukuhamba ngumsebenzi! (UJohane udweba umfanekiso wempilo yomKrestu ekhulayo. Siyahamba sindinga ukuthi sihamba endleleni eyiyo eqondileyo.)

II. Umumo wendlela yokukhanya

A. Funda ku 1 Johane 2:1-2. Ukugcina imithetho kubalulekie okungakanani? Kulabo abasedleleni yokukhanya? (UJohane uthi eyethu injongo yikuthi singoni.)

1. Luhlupho olungakanani uma singona? (Indaba ezimnandi! UJesu uyembosa impilo zethu ngomnikelo wempilo yakhe.)

B. Funda ku 1 Johane 2:3-6. Yekela ngiphinde umbuzo ofanayo lalo engiwubuzileyo. Sikhangele la amavesi, luhlupho olungakanani uma singona? (UJohane uthi ukweza kwethu yikho okuveza ukuthi “siyamazi na ” uJesu..)

1. UJohane ebengathini ngomuntu othi usindiswa ngomusa kodwa uzakwenza isono esazi ngoba esithi kakulandaba- njengoba besindiswe ngomusa? (UJohane uthi lo umuntu aka mazi uJesu. Unamanga (kwabanye nakuye.) ngokuthi unobudlelwano noJesu)

C. Funda ku 1 Johane 2:9-11. Minengi imthetho. Ngingaba kwazi njani uma ngigcina umthetho- okutsho ukuthi kanginamanga ngokuba sekukhanyeni? (Ngiyathanda abazalwane.)

 1. Funda kuMatewu 22:36-40. UJesu uhlanganisa njani imithetho elitshumi lothando (lemithetho yonke)?

2. Sikhuluma ngokubaluleka kweSabatha. Yiwo na umthetho obalulekileyo ukwedlula yonke na? (Kayisiwo umthetho oyisika olothando.)

a. Uku gcina umthetho weSabatha kulani lokuthanda? (Wonke umthetho kaNkulunkulu ulokwenza lothando? (Yonke imithetho kaNkulunkulu ilokwenza lothando. Lapha yikuthanda uNkulunkulu lokuzithanda thina ngo nakekela ukuhlala singabaphathekileyo sithole ithuba lokukhonza uNkulunkulu siphumule.)

D. Funda ku 1 Johane 2:15-17. Kulothando olubi lothando oluhle na? Uma sisendleleni yokukhanya, kakumelana sithande imoto zethu, izindlu zethu, loba izinja zethu? (Kakulula ukukucasisa lokhu, sengike ngabona okukhulunywa ngoJohane kusenzakala kwezinye inkonzo esingike ngayakizo. Kwezinye inkonzo umsebenzi wakho lenotho yakho kubalulekile. Kwamanye abantu kabakunaki lokhu. UJohane uthi yeni inotho lezikhundla yizinto zomhlaba.)

 1. Kakwenzakali lokhu na esikutshoyo? Angithi imali, amandla, lendawo eziphakemeyo konke kubalulekile kanunjalo? (UJohane uyaphendula umbuzo wokuthi kuyenzakala na lokhu ku 1 Johane 2:17. Uthi zonke lezi izinto zizakutshiswa. Zizokwedlula. Kasi khangelisiseni izinto ezinaphakade ezingedluliyo.)

II. Ukulungisiswa endleleni yokukhanya

A. Funda ku 1 Johane 3:1-3. Uyabuka (Wawu buka) uyihlo lonyoko na? Uma kunjalo wazama na ukuphila ngezimiso zabo?

1. Kungani? (Uzwe ulomthwalo. Ubone kufanele ukuthi uphile ngendlela abantu abakhangelele ukuthi uphile ngayo. Ube ungafuni ukubadanisa abazali bakho.)

 2. Ubaba wayesithi “ungumntaka Mpofu kumele umamele!” Uthini uJohane kithi ku 1 Johane 3:3 uzwakala njengobaba? (Uthi singabantwana baka Nkulunkulu njalo kumele kumele sibe njangoBaba wethu oseZulwini.)

a. Qathanisa lokhu lomuntu othi “ ngisindisiwe engikwenzayo kakundaba zalutho.” Umuntu olomqondo onje uyamazi unkulunkulu njengo Baba ngokweqiniso na?

 B. Funda ku 1 Johane 3:7-8. Into eluhlupho uJohane angifisi ukuthi silahlwe yiyo ingabe iyini? (Ukuthi esikwenzayo kakusindaba zalutho loba kubalulekile.)

1. Okusobala okutshiwo nguJohane esimele sikwenze kungabe kuyini? (Abantu abalungileyo benza okulungileyo. Abangalunganga beza isono. Ufisa ukwazi ukuthi usendleleni yokukhanya loba eyobunyama? Khangela izenzo zakho. Kakunzima lokhu.)

C. Funda ku 1 Johane 3:11. Isimiso sokwenza kwethu kuhle singabe siyini? (Isimiso esiphezu kwazo zonke yikuthi siyathandana na.) 1. Zingaki izono zakho eziza ngenxa yobumina? Uyazithanda ukwedlula abanye?

III. Ukuhamba ethandweni

A. Funda ku 1 Johane 4:7-8. Ngithwala nzimi ngalo umqondo wokuthanda abanye. Ngiyabathanda abantu abaningi. Kodwa ukubathanda ngendlela engizithanda ngayo kakulula. Siqala njani ukuthanda? (Uthando lusuka kuNkulunkulu. Ukwazi okuningi ngoNkulunkulu, “ukuzalwa” ngokuka Nkulunkulu kusenza sithande ngcono.)

B. Funda ku 1 Johane 4:9-11. Ungathi uyamthanda uNkulunkulu ngokweqiniso? Ngubani owaqalayo phakathi kwakho loNkulunkulu? (NguNkulunkulu. Wathumela indodana yakhe ukuzosifela singakayazi.)

1. Usuke wezwa umuntu esithi “ngizamxolela uma esecelile ukuxolelwa?” “Ngizamhlonipha engafunda ukuhlonipha.” Uthini uJohane ngale indlela yokwenza? (Uma siza thanda ngendlela uNkulunkulu athanda ngayo sizakubathanda abantu bengakathandeki.)

C. Funda ku 1 Johane 4:12. UJohane uthi kunzima ukuthanda ngoba kasikmboni uNkulunkulu? Loba utsho okunye? (Ngibona ngani uthi abantu kababoni uNkulunkulu babona wena. Uma uthando luka Nkulunkulu luphila phakathi kwakho wena uyidlela abanye “ababona” ngayo uthando luka Nkulunkulu.)

1. Kunjani lokhu ekwethembakaleni? Umbono abanye ababalawo ngoNkulunkulu weyame emahlombe ethu!

D. Funda ku 1 Johane 5:3-5. UJohane uyasitshela ukuth loludaba lokuthanda uNkulunkulu sithande labanye kalunzima. Yisithembiso lesi? (Siqala ngokwazi uNkulunkulu. Ngokufunda lokwazi ngezindlela zakhe. Sibe sesimlalela. Uma sesiqalile ngale indlela ukuyaphambili kakunzima. Kumele siqale nje.)

E. Mngane, wena ke? Uma ubona uthando lwakho luphans kakhulu, uzazimisela ukumazi ngcono uNkulunkulu lokumlalela? Kungani ungaceli uMoya Oyingcwele enhliziyweni yakho ukusize ekuhambeni kule indlela?

Iviki ezayo: Incwadi kaJohane kowesifazana okhethekileyo.