Isifundo setshumi lantathu Ukulwela amandla

 (3 Johane, Johane 20)
 
Copr. 2008, Bruce N. Cameron, J.D.  Yonke imibhalo ivela ku-New International Version (NIV), copr. 1973, 1978, 1984 i-International Bible Society,  ngaphandle umakuchaziwe. Imibhalo esuka ku-NIV isetshenziswe ngevumo ye- Zondervan Bible Publishers. Impendulo ezikhethiweyo zitholakala kuzigobholozi (). Uma usamukela lesi-Isifindo nge-email, kodwa sibesisilahleka ungasithola kule ikheli ye-web: http://www.GoBible.org. Thandazela ukuba uMoya Oyingcwele uvule ukuzwisisa kwakho ungakaqali ukufunda.

Isigeniso:Usuke wafunda incwadi wafisa ukuthi ngabe indenyana? Wadana ufika emaphethelweni? Ngizwa njalo ngezincwadi zika Johane. Kule eviki sifika emaphethelweni kuzincwadi zika Johane ebandleni. Kasingeneni esifundweni sencwadi yesithathu kaJohane. Siphakwathi kwayo sizaqedise okwasalela evikini eliphelileyo!

 
I.  UGayisu

A. Funda ku 3 Johane 1:1-2. UJohane uqala ngokubuza impilakahle ka Gayisu. Yincwadi emfitshane le, kungani kucithwa isikhathi ngalokhu? (UJohane uveza ukumnakekela. UNkulunkulu uyazinakekela ezethu impilo abalandeli bakhe kumele baveze lokhu kubanye.)

1. Ngumusa kuphela lowu? Loba, kukhona okuphathelane lokuqina kwethu kokwakomoya enyameni yethu? (Unkulunkulu ufuna sibe lempilakahle emzimbeni lasenqondweni. Ngiyakholwa ukuthi bukhona ubudlelwano. UJohane kacithi sikhathi lapha. UJohane usitshela kanye loGayisu ukuthi kumele sinake impilakahle yalabo abasigombolezeleyo kokwakomoya lasenyameni.)

B. Funda ku 3 Johane 1:3-4. UJohane uqala ngokuti “Ngithemba liphilile,” emavesini amabili alandelayo uyambonga uGayisu. Ngesinye isifundo kithi lesi na? (UJohane ukhuthaza uGayisu ekuphileni kahle. Kumele sense njalo kwabanye.)

C. Funda ku 3 Johane 1:5. Kungani kuthiwa labo abasizwa nguGayisu “yizihambuma?” (Kuveza ukuthi uGayisu kakhangelelanga inzuzo kulokhu. Usiza laba ngoba bengabanye bokukholwa, hatshi ngoba kukhona akudingayo.)

II. Ibandla
A. Funda ku 3 Johane 1:6-8. Kungani abazalwana abahlala loGayisu bedinga usizo kuzihambuma? (Kuveza ukuthi babe ngabavangeli uGayisu wabathatha besenza umsebenzi wevangeli lapho ahlala khona.)

1. Kasithi kawenelisi ukukhuluma emphakathini, kutsho ukuthi kuawubalulekanga emsebenzini kaNkulunkulu? (UGayisu uveza umusa. UJohane usitshela ukuthi umsebenzi webandla uyabanjiswana: “singasebenza ndawonye eqinisweni.” Umsebenzi wamunye ngamunye ubalulekile empumeleni yokucina. UNkulunkulu uyananzelela ukubaluleka kwamuntu munye ngamunye.)

B. Funda ku 3 Johane 1:9-10. Ungabuza amalunga ebandla ukuthi ngubani oowayebalulekile ebandleni, uDiyoterefasi loba uGayisu, ubona ngani babengathini? (Uma uDiyoterefasi enamandla “okususa abantu ebandleni,” amalunga kumele akhangele kuye.

1. UJohane uyaveza ukuthi uDiyotrefasi (Kanjengo Gayasi) uyala ukwamukela abazalwane. Uma uDiyotrefasi engumthungameli webandla, kakumelanga enze ezakhe izinqumo?
a. UNkulunkulu ubeke mandla bani ebadaleni bebandla?

C. Funda kuMatewu 16:17-19. Kakuniki abadala bebandla amandla amakhulu ledlela yokunanzelelisisa “abazalwane?”
1. Khangela njalo ku 3 Johane 1:10. Njengoba uJohane “engumdala,” kungani engasebenzisi amandla “ukubamba” uDitrefasi? Kungani “kukhangelisisa ” uJohane ukahthazeke ngakho?

D. Funda ku Johane 20:19-23. Iviki ephelileyo, sixoxa ngokukhuthaza kuka Johane ngamanga lomphikuKrestu, amalunga esikolo seSabatha amanye aqambe ibandla lamaRoma. Kangithandi ukuhlasela amanye amakholwa, ngaqala ukucasisa engikuthandayo ngaleliandla, ngatsho ukuthi kodwa kangivumelani lezinye imfundiso zabo-kugoqela ukuguqula kwabo ukuthi uJesu ngiumcengeli wethu. Elinye ilunga leRoma “laselisithi uJohane 20 ke?” Kasikhangeleni lindaba okwemizuzwana.

1. Ngubani owaloba uJohane 20? (NguJohane ofanayo owaloba incwadi esizifundayo.)
a. Wayekhuluma lobani uJohane ku Johane 20:23 lapho enikeza la amandla? (UJohane! Phakathi kwabanye.)
b. Ngabe uJohane uyazi (ngoba wakuloba phansi) ukuthi wayelamandla ukuzimisa izono zika Ditrefasi zingathethelelwa, kungani engakutsho? Kungani esithi “uzaveza izono zakhe kuphela”?
2. Uma ukhangela uJohane 20:23, kungani uJesu wayenikeza la amandla? Abafundi kuphela ababesendlini? Onke amKrestu? Bonke abavngeli? Onke omaKrestu?

a. Uma ubona ngani uJesu wayenika amandla labo abasendlini kuphela, khangela njalo ku 1 Johane 5:16-17. Ngabe uJesu wangezelela ngaphansi kwekhasi elithi “lokhu ku goqela kuphela izono ezingakhokheli ekufeni?”

(1) Uma okholwayo (loba umthungameli) enamandla okuxolela izono, kungani uJohane esitshela ukuthi (ku 1 Johane 5:16 ) ukuthi “sithandaze uNkulunkulu amnikeze impilo?”
E. Ukwazi umumo kubalulekile.  Okubalulekileyo ngokwenzakala kuJohane 20:23 kungabe kuyini? (UJesu wayesada ukuvuka ethuneni. Wayesanda ukuqoba isono!)

1. Kwaguqulani endleleni isono esasixolelwa ngayo? (Kazisekho inyamazana ezihlatshwayo. UJesu wafa kanye efela bonke. AmaHeberu 7:27.)
2. Abantu badlala nxenye bani ekukhuthazeni abantu  ekwaziseni abantu ngendlela entsha yokulwisana lesono? (Yikho engibona ukuth uJohane 20:23 ukhuluma ngakho: um abafundi besabelana labanye ngaloluhlupho esonweni, isono salo ozwayo singaxolelwa. Uma bengakwabelani labanye, umhlaba kawusoze wazi.)

F. Khangela njalo uJohane 20:22-23. Inxenye yalokhu okulapha yikwamukeliswa kukaMoya Oyingcwele. UMoya Oyingcwele udlala nxenye bani ekuxolelweni kwezono? (Funda kuJohane 16:7-8. Enye yomsebenzi kaMoya Oyingcwele yikusivezela izono zethu.)

1. Funda kuMatewu 12-31-32. Kuvezani lokhu enxenyeni yabantu leka Moya Oyingcwele ekuthethelelweni kwezono? (Kufundisa ukuthi ovezela abantu ukuthi bonile nguMoya Oyingcwele. Singakhuluma “Simphikisa” (simala) uMoya Oyingcwele amandla okubona ukuthi sonile aysuka kasisoze sivume izono.)

2. Ukhona ongangitshela lapho abafundi abathethelela izono loba bebamba izono zabathile? (UJohane kazange athi singakwenza lo Ditrofasi kayikho leyodwa indawo eTestamenteni Elisha esihlangana lakho lokhu kusenziwa ngabafundi.)

3. Funda kuMatewu 6:14-15. Kutshona ukuthi silamandla okuthethe;e;a izono na?

4. Funda ku Zenzo 10:43. Kutsho njani lokhu ukuthi sithola intethelelo yezono? (Ngegama likaJesu.)
G. Kasikhangeleni nja;lo incwadi zikaJohane. Funda ku 1 Johane 2:1-2. Ngubani onamandla okuthethelela izono? (UJesu nguye olamandla onke phezu kwezono.)

H. Funda kuLuka 24:45-49. Kungabayini ehlanganisiweyo ekuthethelweni kwezono? (Ngibona ngani lumbhalo yiwo ocasisa kakuhle uJohane 20:23. Impilo kaJesu, ukufa kwakhe, lokuvuka kwakhe kwamqoba usathane, isono lokufa. Yikho okudingakala yo ekuthethelelweni kwezono. Okunyeokudingakalayo nguMoya Oyingcwele. Singamthuka uMoya Oyingcwele kasingeke sixolelwe-kakukhethelekile ukuthi uJesu usenzeleni lokuthi abantu bangasenzelani. Okwesithathu ekuthethelelweni kwezono yibudlelwano phakathi kuka Moya Oyingcwele labantu ukutshunyayelweni kwevangeli.)
1. Yikho kuphela okukhulunywa nguJesu ku Johane 20:23-ukuthi kumele sifakaze kwabanye?( Funda uMatewu 9:2-9. Ukufunda indaba eku uMatewu 9 ubesuzwisisa uJohane 20:23 ukuthi uJesu unikeza amandla akhe komunye, ngibona kukhona okuningi kulokumfakazela kuphela nje. Okungakanani, kangazi. Umganga obekwe kuJohane 20:23 ngowokuphetha, ukuthethelelwa kwezono kugoqela izinto ezintathu: UJesu, uMoya Oyingcwele labalandeli.)

I. Funda ku 3 Johane 1:11. Inxenye yethu ekuphileleni uJesu nsukuzonke ingabe iyini? (Ukwenza okuhle. Singangena enxoweni enkulu sixoxa ngenxenye abantu abalayo ekuthethelweni kwezono, kakumelanga silahlekelwe injongo yethu yikuphila kuhle.)

J. Funda ku 3 Johane 1:12-14. Mngane, uyafisa na ukuba ngu Demiterus? Lapho sovala isifundo sethu ezincwadini zikaJohane, ngikholwa ukuthi udaba lwakhe olukhulu yikuthi sithathe indlela yokukhanya (indlela eyaempilweni enaphakade) nsuku zonke sihambe sisiya eduze lekulungeni. Uzawamukela na lumthwalo?
 

III. Iviki ezayo: siqala isifundo ngencwadi ka maNani